Seker.co.za | Oor PayFast

Oor PayFast

Volledige info: https://www.payfast.co.za/b/std/what-is-payfast.

VRAE EN ANTWOORDE

VRAAG: Waarom moet ek registreer en dan elke keer met 'n wagwoord aanteken (log in) wanneer ek aankope in die NISMARK wil doen?

1. Registrasie is 'n sekuriteitsmaatreël wat vergelykbaar is met wat met elke kliënt by enige bank se ingang gebeur. U gaan deur 'n sekuriteitsingang. Die prosedure by die sekuriteitsdeur beveilig ook vir u terwyl u sake doen. U voel gerus oor die ander kliënte in die bank. U kry die versekering dat u bank se sekuriteitsmaatreëls in plek is.

2. Registrasie is 'n eenmalige proses wat aanlyntransaksies veilig maak en waardeur u u persoonlike wagwoord bekom. Dit kos niks nie en plaas u onder geen verpligting nie.
3. Na registrasie het u 'n eie wagwoord (password) vir aanlyntransaksies in SEKER NISMARK. Dit is soos om 'n ledekaart te hê. Die papierwerk is gedoen en u kan met 'n geruste hart in 'n veilige omgewing aankope doen.

Het jy geweet:
Die kans om wagwoorde te vergeet, staan in direkte verhouding tot die aantal dekades wat die persoon op aarde asemgehaal het.
Daarom skryf 'n groot aantal mense wat 'n papierlose omgewing voorstaan, steeds nuwe wagwoorde in 'n aantekeningboek neer en hou hulle die aantekeningboek op reikafstand van die rekenaar.

VRAAG : Nou is daar ook 'n tweede registrasie, dié by Payfast.
Is registrasie by Payfast nodig om by SEKER NISMARK te kan koop?

Nee, dit is nie nodig nie. Indien jy EFT transaksies verkies, het niemand enige probleem daarmee nie. By die betaalpunt van SEKER NISMARK betaal jy soos jy verkies:-

óf by wyse van ‘n gewone elektroniese banktransaksie (EFT);
óf deur PAYFAST

Albei transaksies is veilig, gerieflik en 99.9% risikovry.

Met EFT transaksies word die validering van die transaksie deur die betrokke banke se stelsels gedoen. Die versending van jou aankoop kan dus net nie onmiddellik plaasvind nie. Maar wanneer die transaksiebewys ons kant ontvang word, word die items wat jy bestel het, binne 24 uur aan jou versend.

PAYFAST prosesseer/valideer die transaksie terwyl dit plaasvind. Daarom word die eboeke waarvoor jy betaal onmiddellik na inbetaling elektronies aflaaibaar en die gedrukte boeke binne 24 uur per geregistreerde pos aan jou versend.

VRAAG: Wat behels registrasie by Payfast?

Om by Payfast as koper (buyer) te registreer, is om jou naam, e-pos adres, selfgekose toegangswoord, (hier is nog een vir die aantekeningboek met wagwoorde), ID, kredietkaartbesonderhede ens. aanlyn vir Payfast se databasis in te vul. Ná eenmalige registrasie teken jy met jou naam en wagwoord in wanneer jy transaksies met Payfast-geakkrediteerde aanlynhandelaars doen.

Samevattend
Kopers wat internetaankope deur die PAYFAST betalingsprosesseringsdiens doen, ervaar gerief, sekuriteit en gemoedsrus.
Die koper het die waarborg dat die verkoper ‘n geakkrediteerde handelaar is.
Die koper se aanlyntransaksies met geakkrediteerde PAYFAST handelaars raak so maklik soos om ‘n veegkaart in die supermark of boekwinkel te gebruik.
Die koper het die waarborg dat PAYFAST met hulle eie bank saamwerk.
Vir kopers is hierdie diens gratis: geen kommissies, geen aftrekkings, geen gemorspos van Payfast in die posbus, geen fynskrif nie.

Handelaars wat hulle deur PAYFAST laat akkrediteer, het die omgekeerde waarborg: die koper is deur PAYFAST geakkrediteer.
Handelaars staan billike kommissie op verkope aan PAYFAST af.
Die handelaar het die gemoedsrus dat sy/haar kliënt se belange gedien word.

VRAAG: Die aflaai van e-boeke is nie iets waarmee ek bekend is nie. Ek is bang ek bestel 'n e-boek en dit werk nie. Ek sou graag eers wou eksperimenteer.

Goeie plan. Al wat jy nodig het, is die gratis ADOBE pdf-leser (ADOBE READER).
ADOBE READER is ‘n sagtewareprogram wat spesifiek vir die lees van pdf’s ontwerp is.
Kliek of dubbel-kliek op die rooi ADOBE READER ikoon onder op ons webblad.
Volg die instruksies. OK en Continue en gee heelpad toestemming dat die installeringsproses mag voortgaan.
Met dié gratis pdf leser op jou rekenaar se hardeskyf, kan jy enige eboek in pdf formaat lees.

Kry jou eenbladsy demonstrasie-eboek nadat jy ADOBE READER installeer het. Kliek op hierdie skakel:

ADOBE TOETS

Hier is jou eenbladsy pdf eboek nou voor jou.
So gaan jou e-boek in pdf formaat na ‘n PAYFAST of EFT transaksie by SEKER NISMARK se betaalpunt by jou aanland.

Om e-boeke te stoor waar jy hulle altyd weer kan opspoor
1. Wanneer jy ‘n e-boek aankoop, verskyn daar daar ‘n aktiewe balkie onderaan jou skerm. Daarop sien jy die naam van die eboek, bv: Swart Nag, Rooidag.
2. Op die balkie is daar drie opsies: OPEN SAVE AS ? CANCEL.
3. Kliek op die klein swart driehoekie langs SAVE AS?
4. ‘n Kieslysie verskyn. Een opsie is: SAVE AND OPEN. Nog ‘n opsie is: SAVE AS… Die SAVE AS opsie in die klein kieslys stel jou in staat om jou e-boek in die lêer van jou keuse te stoor.
5. Een goeie plek om te oorweeg, is in MY DOCUMENTS. Kliek dus op MY DOCUMENTS in die groot lys aan die linkerkant van die skerm (waar jy Favourites, Desktop, Libraries, My Documents, Music, Pictures, Videos… sien.) As jy dit in 'n SUB-LêER van MY DOCUMENTS wil stoor, kliek op die sublêer .
6. Tik die naam van die eboek in die balkie by FILE NAME in, bv. Swart Nag, Rooidag.
7. Onder FILE NAME sien jy: SAVE AS TYPE.
8. Kliek op die klein driehoekie regs langs SAVE AS TYPE' en soek in die kieslys totdat jy PDF vind. Kliek op PDF. Kliek dan op SAVE.