Kom ons wy ons aan Hom toe, kom ons streef daarna om ons aan die Here toe te wy.
Die Here sal verskyn, so seker as die son opkom, Hy sal na ons toe kom soos stortreen,
Hy sal ons verkwik soos lentereens die grond verkwik. - Hosea 6:3
DIE KONING SE DONKIE
Ons leef en dien in Christus-sekerheid

KONTAK ONS seker7seker@gmail.com
Welkom by 'n Skrifgefokusde bestemming vir Bybelstudies, boeke, videos en groei.
Welcome to a Scripture-focused destination for Bible studies, books, videos and growth.
MENU KIESLYS EDITORIAL REDAKSIONEEL BOOKS BOEKE
 TUIS
 HUB & SPILPUNT
 - SENDING
 - BEDIENINGE
 BOONTOE
 BOEKWINKEL
 VIDEO'S
- MUSIEK
- LIG & SEKERHEID
- BLOEDFAMILIE
 VERNIET
 NUUS
 GPS NA INFO
- WIE IS ONS
- WAT GLO ONS
- ME SKANDALIZO HANDELSMERK
- PAYFAST & REGISTRASIE
- JURIDIESE JAZZ
 SEKER PRODUKSIES
 ONVERWAGS
Maretha Blog
 
Vandag kan anders wees. die uitgewersmaatskappy met boeke en Bybelvertalings wat jou hele lewe aanraak.
SENDING

  1. Dankie dat jy saamstry in die geveg om die suiwer Evangelie by 'n stukkende wêreld te kry!

    Mat 16:24: " AS IEMAND AGTER MY AAN WIL KOM, MOET HY HOMSELF VERLOËN, SY KRUIS OPNEEM EN MY VOLG!" Kom ons vat mekaar se hande en doen dit saam!

    BAIE DANKIE!

    Dit was 'n voorreg vir Elreza om 'n hele dag by haar enigste sussie Barbara in die Rosepark Hospitaal te wees terwyl sy haar derde chemo behandeling gekry het. Die bloed uitslag was hierdie keer: NORMAAL!! Ons loof die Here! Jou gebede beteken sóveel!

    ZAMBIESE UITREIK:

    Dit was louter vreugde om besoeke van vele oud studente te geniet. Reeds 40 eerstejaars het hulle name opgegee om deur Back to the Bible Zambië te studeer!! Ons is koninklik bederf deur ons gasouers! Prys ons hemelse Vader!

    OUDITORIUM KLOK:

    Marieke Botha, Elreza se suster se argiteks dogter, het 'n skets gemaak van hoe die groot ysterklok opgerig moet word!! Ons sien uit na die vervulling van hierdie droom!

    VERHALE WAT MY MOEDER ONS VERTEL HET

    Die eerste 20 verhale is reeds neergepen deur Elreza en ons vertrou die Here dat dit moontlik hierdie jaar sal kan verskyn!

    UITREIKE:

    Feitlik al ons studente en personeel het hierdie twee weke uitgereik dwarsoor Afrika. Ons bid dat die wonderwerk sal plaasvind en dat álmal hulle BBM Verblyfkoste sal kan betaal by hul terugkoms!!

    Van ons dosente gee klas in dié dae by ons suster kollege en van ons ambagslui herstel ook noodsaaklikhede daar!

    'n Boksburg gemeente reik uit na ons met bokse vol toilet-geskenke!! Ons dank ons versorgende Vader!!

    LAASTE KWARTAAL:

    Op 7 Okt begin die laaste besige skof van die jaar en ons steun op jou gebede en versorging soos in die verlede! Bespreek gerus jou plek vir 30 Nov 10vm se HALLELUYAH OUDITORIUM inwyding tesame met die PASTORAL COMMISSIONING. Dra ons asb deur die laaste bedrywige tyd met jou liefde en gebede!

    Ons groet met dankbare liefde!

    Shai en Elreza en almal by BBM.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Webwerf: www.bbmission.org

    Valley of Mercy • Barberton, Mpumalanga 1300 • South Africa


    BELOFTE UIT GODS WOORD: Jer 32:39

    "Ek sal hulle 'n onverdeelde hart en 'n vaste koers gee: hulle sal My altyd dien vir hulle eie beswil en vir die van hulle kinders na hulle. "

    Loof die Here dat Hy ons én ons kinders vashou en red onder alle omstandighede!!!!die getroue VerbondsGod!!

    ETIOPIESE NUWE JAAR: Op 12 Sept is die Etiopiese Nuwe jaar en ons as BBMission het dit met 'n luisterryke onthaal, deur die Etiopiese studente voorsien, gevier. Dit was tydens ons een Direksielid, Bishop Adane, se 2 weeklange Gebed en Vastyd wat hy en 'n vriend by ons deurgebring het. Hoe goed is ons God dat ons ons harte kan leegbid saam met hierdie kragtige voorbidders!

    LENTE BLOEISELS: Orals geniet ons die sagte pienk en pers bogainvilleas, die goudgeel blombome, en die statige oranje clivias...hier in die Gebedstuin om die Nuwe Jerusalem! Manasseh van Ghana werk steeds na ure hier. Ons gereelde Bybelstudie vriendinne het hier kom kuier en dit saam waardeer!!

    HALLELUYAH OUDITORIUM: Simon met sy breë glimlag is amper klaar met die lê van die vloerteëls. Ook die voorportaal se plafonne word die week DV voltooi. Ons glo van harte dat ons op 30 Nov 10vm die inwyding kan hou tydens die "Pastoral Commissioning!" Jy is hartlik welkom!!!

    LEWERKANKER: Met 'n skok het ons verneem dat een van ons finale jaars, Solomon van Zambië hierdie uitmergelende siekte het. Hy is swak en bloei. Bid asb ernstig saam met ons dat hy veilig vanaf Steve Biko Hospitaal, Pretoria, kan vertrek en by sy ouerhuis in Zambië sal kan uitkom die naweek. Dit verg heelwat organisasie!!

    DR WILLEM MALHERBE OORLEDE: Ons geliefde leraar hier op Barberton Ds Pieter se broer is oorlede aan kanker en sy vrou het die meeste van sy klere aan BBM geskenk. Dit is met groot sorg uitgedeel en met besondere vreugde ontvang!

    HEBREEUSE KLASSE: Prof Joan, ons 81jarige inwonende dosent gee hierdie week ELEMENTARY HEBREW. Donderdag was 'n Hebreeuse oggend en Ps 23 is deur 'n klas voorgedra in Hebreeus, asook die betekenis verduidelik.

    PRECIOUS GEE GEBOORTE: Ons geliefde vriendelike Precious wat in ons kombuis en vir die dosente sorg, het die week 'n seuntjie: Paul!! Ons wag om hom te sien! Daar is ook 'n paar Duitse Herdershondjies gebore in Nelspruit en ons kry enetjie!!

    2020 STUDENTE INNAME: Ons het reeds heelwat aansoeke vir 2020 as studente, ten spyte van die media nuus. Rev Bridget Munyasia is die verantwoordelike persoon wat toelatings reël. Mag die Here haar bystaan en help!

    REKENAARS OPGEDATEER:

    Ons is dankbaar dat feitlik al ons rekenaars opgedateer is ook met virusweerders deur Sammy Kanyangala en Dr Ian Chapotera.

    MAKADAMIABOME: Ons oogarts, Theo van der Westhuizen, het 300 boompies belowe en vele studente het hard gewerk om die terrein gereed te kry.

    Ons dank die Here wat 'n geldjie laat inbetaal het deur 'n vreemdeling wat groot verligting bring. Mag die Here ons seen en voorsien in ons nood! Vele, veral derdejaars, bid en smeek die Here vir uitkoms sodat hulle VERBLYF EN LOSIES betaal kan word teen R100 per week en hulle grade en diplomas kan kom haal! Die week kon ons geen olie, eiers, brood e.a. kruideniersware koop nie!! Mag die Here ons genadig wees!

    VERLORENES: Weereens het die Here 'n ryke oes laat ingesamel word! Elke Maandagmore sing ons die vreugdelied dat verlore mense die lig en sekerheid ontvang het as dissipels van Jesus Christus! Ons sien uit daarna om jou eendag in die hemel te verwelkom! Is jy daarheen oppad? Is jou naam in die Boek van die Lewe?? Hoop ons ontmoet eendag daar in die hemelstad!!!!

    Liefdegroete en sendinggebede,

    Shai en Elreza Mulder en al 140 mense hier in die Vallei van Genade.

    Webtuiste: www.bbmission.org

    Tel +27833066323

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!!" Ps 37:4

    Soos versoek:

    Bankrekening: BACK TO THE BIBLE,

    FNB, BARBERTON, TJEKREKENING

    NO 51600018323

    Takkode: 270152

    Swift kode: FIRNZAJJXXX

    Valley of Mercy • Barberton, Mpumalanga 1300 • South Africa


    " AL WAS JOU SONDES SOOS SKARLAKEN, DIT SAL WIT WORD SOOS SNEEU. AL WAS DIT ROOI SOOS PURPER DIT SAL WORD SOOS WOL!"

    Jes 1:18 Hierdie vreugdewoord vir elke skuldige mens is slegs moontlik gemaak deur ons Here Jesus se kosbare bloed gestort op Golgota! Jy hoef nie wakker te lê met 'n skuldige selfverwyt nie! Jesus het klaar betaal, sodat jy saans met 'n rustige gemoed aan die slaap kan raak!

    LEIERSKAP: Hierdie week het elke selgroep die kans gekry om self te besluit wie is die aankondiger tydens oggend godsdiens, wie vra sekere studente hulle oggendtekste, wie bid en inspireer ons om vir ons +-300 sendelinge te bid en wie bid vir 'n spesifieke land vd wêreld (volgens Operation World). Ons is trots op elkeen wat met vrymoedigheid voor die hele sendingfamilie opgetree het! Sommige het ons heerlik verras!!

    DOSENTE: Die afgelope week het Thys en Elsa Mulder (Moslems), Rev Benson Sachingezhi (Hermeneutics), Dr Ian Chapotera (Kolossense)

    Rudolf Kabutz (Media Engagement) ons gelei en studente het met dank geleer!

    ZAMBIË UITREIK=UITGESTEL:

    Ons glo dat die Here soms 'n Stopteken voor jou plaas. Hy weet hoekom! Ons glo Hy sal op Sy tyd die deur oopmaak! "Ons tye is in U hand!"

    Nou gaan ons na Elreza se suster Barbara en haar man Fanie Schoonees in Bloemfontein vir die vakansie in September.

    FINANSIES:

    Dankie dat jy saambid! Nog nooit is daar só gesukkel deur ons studente om die R100 per week vir Losies en Inwoning te betaal nie!! Die week kon ons geen tweeweeklikse kruideniersware of selfs eiers koop nie. Groot was ons blydskap toe ons 91jarige vriendin Lucy Jonker van Despatch R100 in haar briefie insluit! Elke sent tel en bring ons dankbaar op ons knieë! Nog nooit het die Koning van die hemel ons in die steek gelaat nie. Ons weet jy bid en glo saam!!

    VERJAARSDAG: Ons studente leier van die GOLDEN TRUMPET GOSPEL SINGERS Gilfort Moloto het die week sy 64ste verjaarsdag met 'n heerlike braai van boerewors en hoender met pap en sous gevier. Dit was so mooi hoe sy vriende hom geluk gewens het. Jy kon die kameraadskap en respek aanvoel.

    PERSONEEL BIDUUR: Eers het die gebruiklike samesang uit Peter Hammond se sangboeke plaasgevind.....heerlik: "It is well with my soul!!" Toe is daar ernstig en met oorgawe gebid vir al ons dringende versoeke!

    KINDERVERHALE BOEK: Elreza kon begin...so stadigaan... om verhale, wat veral deur haar moeder aan hulle as kinders vertel is, op te neem met haar Note 9 Selfoon, wat dit dan op skrif stel. Bid asb dat dit spoedig kan voltooi! Ons wil dit graag as geskenk vir ons finalejaars kry.

    SENDELING EPOS ADRESSE EN FOTO'S: Ure is reeds bestee om die sendelingversorgers/ sendelinge/klasaanbieders se korrekte epos adresse en posadresse korrek op skrif te kry. Dit neem tyd en is groot werk wat lang ure neem!! KAN JY ASB HELP IN DIÉ VERBAND OM JOU NAAM EN ADRES/ TEL NO/ EPOS/ ÉN FOTO vir ons te stuur ASB??

    ONLUSTE: Dit bly sleg om die nuus aan te skakel en van sóveel moord en doodslag, onrus en plundering te moet aanhoor. Mag God ons leiers red, sodat ons rustig kan lewe en voortgaan om siele vir Gods koninkryk te wen!!

    TROMPET FEES: Dit was 'n feestelike geleentheid met 'n uitsonderlike ete en die betekenisse daarvan is deur Ds Riko Scholtz vertel. Ons is opgewonde om die trompet te hoor blaas en te weet: ONS KONING KOM MET DIE WOLKE EN ÉLKE OOG SAL HOM SIEN!! Is jy gereed om Hom te ontmoet? Het jy siele in jou hande? Word hulle behoorlik gedissipel?

    TOT SIENS! Vir elke gedagte aan ons, empatie en fondse vir BBM sê ons opreg DANKIE!!

    Jy moet lekker en rustig slaap. Ons tye is veilig in God se hande! Engele waak oor ons!!

    Goeienag en liefdewense,

    Shai en Elreza, asook ons dosente en studente.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!!!"

    Ps 27:4. Kom ons doen dit saam en beleef wonderlike gebedsverhorings!!

    Webwerf: www.bbmission.org

    Valley of Mercy • Barberton, Mpumalanga 1300 • South Africa

    1Kor 15:57

    "MAAR ONS DANK GOD DAT HY AAN ONS DIE OORWINNING GEE DEUR ONS HERE JESUS CHRISTUS!"

    KNIELENDE DOMINEE: Twee sendelinge, sopas terug na 5 weke in Malawi, vertel hoedat hulle leraar by hulle voete gekniel het en in gebed aan die Here opgedra het, toe hulle op 'n hoë ouderdom die Here se roepstem beantwoord het om voltydse, vrywillige sendelinge te word!! Ons dank God vir élke gemeente wat sendelinge ondersteun met wat ookal!! God sê dat Hy selfs 'n beker koue water sal beloon!! Ons twee wil opreg DANKIE sê vir elke gebed, elke koppie koffie, elke sak rys, elke bewys van omgee twv die koninkryk!!

    SIELE GERED: Cooper, een van ons studente, berig dat 10 manne in Maksimum Gevangenis 'n keuse vir ons Here gemaak het die afgelope naweek. Victor, nog n student, kon drie manne na Jesus lei in Med A Gevangenis, drie dae voor hul vrylating. Elreza kon een man in Med B by Jesus uitbring! Ons glo die engele juig!!

    STUDENTE PREEK: Maandagaande is soos altyd spanningsaande nou vir die eerstejaars wat nou aan die beurt kom om te preek! Sommige het maar die kluts kwyt geraak agv angs, maar hulle kry later weer n beurt! Ons doen baie moeite dat élke student uit élke Bybelboek moet kan preek en daarmee 'n bundel van sy eie preke saamstel. Dis die hoofrede dat ons studente inkry, wanneer hulle ons studente hoor preek.

    STUDENT SIEK IN DIE HOSPITAAL: Solomon Sinyangwe, student van Zambië, is dringend hospitaal toe geneem toe hy begin bloei het. Ons vind nou uit met 'n skok dat hy 'n kanker lyer is. Ons bid en vra dat jy aansluit by ons: dat hy veilig en lewendig tuis sal aankom by sy geliefdes in Zambië! Sal jy asb saambid?

    AFRICA 4 JESUS SANG: Met alle erns het alle studente en ook staflede die week 'n nuwe lied geleer: " How marvelous, How wonderful, Is my Saviour's love for me...." Hulle sing ons gereeld die hemel in!! "When we sing, we pray twice!"

    BOEKE ONTVANG! Dit was weer eens 'n groot vreugde om boeke van 'n afgetrede leraar te ontvang! 'n Boek is mos soos 'n ou vriend...jy waardeer dit en bewaar dit met groot deernis!!

    HALLELUYAH OUDITORIUM TEËLS:

    Ons het vandag met opgewondenheid die eerste klaskamer se teëls gaan besigtig wat Simon: oorlopende-van-trots besig is om te lê. Hy is puik en só trots op sy werk. Ons vorder!!! En ons hoop van harte dat ons mekaar by die Inwyding op Sat 30 Nov 2019 gaan ontmoet!!!!

    TAMATIES HARDLOOP DIE STRATE AF: Ons is só dankbaar vir 40 sakke aartappels, 10 uie, sakke wortels, beet en tamaties wat ons vandag weer in Nelspruit kon gaan haal. Toe ons om 'n draai ry, hoor ons 'n slag en toe ons stop, lê die tamaties gesaai oor die teerpad. Die bakflap

    van die Ford Bantam bakkie het oopgespring. Talle tannies in die strate het met sakkies gehardloop om tamaties op te tel!!

    VOORBIDDING/INTERSESSIE:

    **Kniel en stem asb saam vir die familie-kinders van ons as personeel en studente!! Mag God verheerlik word in hulle lewens!

    ** Asb bid vir die studente se krisisse om hulle R4500 vir die hele jaar te betaal. Mag ons Meester mense roep wat kom help!!!!

    Bankrekening: FNB,

    Naam: Back to the Bible

    Tjekrekening: 51600018323

    Takkode: 270152

    Swift: FIRNZAJJXXX

    Ons dra ook vir jou aan ons Here op. Jy is baie spesiaal vir God en vir ons!

    Mooi loop!

    Liefde en vreugde vir jou!

    Shai en Elreza Mulder en almal by BBM. Webwerf: www.bbmission.org

    Epos: shyriesmulder@ gmail.com.

    " DELIGHT YOURSELF IN THE LORD AND HE WILL GIVE YOU THE DESIRES OF YOUR HEART!!" Ps 37:4

    Valley of Mercy • Barberton, Mpumalanga 1300 • South Africa


    "IN HIERDIE WÊRELD SÁL JULLE VERDRUKKING HÊ, MAAR HOU GOEIE MOED! EK HET DIE WÊRELD OORWIN!" Joh 16:33

  2. *GRADEPLEGTIGHEID: Hier in Manchester Engeland het ons 'n "informele" vreugdevolle SELFORD UNIVERSITY GRADUATION bygewoon...waar die kanselier op die verhoog ingery gekom het op 'n "self-aangedrewe skaatsplank" en luide toejuigings weerklink het toe honderde grade toegeken is, o.a. ons jongste dogter: NATASHA MULDER se Arbeidsterapie Meestersgraad met onderskeiding!!! Daarna het ons as familie (van Cambridge) 'n heerlike buffetete by TOPS saam geniet! Ja, sendelinge mag ook somtyds roomys eet! Studente vanoor die wêreld het saam fees gevier!

    SKRIF: "Jy moet dan weet dat die Here jou God God is, die getroue God wat die verbond en goedertierenheid hou vir die wat Hom liefhet en Sy gebooie onderhou in duisend geslagte." Deut 7:9

    Wanneer ons na die reuse berge kyk hier rondom die Vallei van Genade, weet ons dat ons getroue God rondom ons is. Hy beskerm ons; Hy versterk ons; Hy vertroos ons; Hy inspireer ons wanneer dit rof gaan!

    BESTUURDERS: Ons bedank ons Vader vir die vyf bestuurders wat deel is van die Uitvoerende Komitee hier by BBM:

    Shai wat tegelyk Administrateur en Besturende Direkteur is;

    Ds Chinhamo wat die Operasionele Bestuurder en ook die leraar van ons Africa Mission Church is;

    Ds Sachingezhi wat die Opleidingsbestuurder is;

    Dr Chapotera wat die Navorsingsbestuurder is;

    en Elreza wat die Sendingbestuurder sowel as die kapelaan van BBM is.

    Dankie dat jy saambid vir elke besluit en die daaropvolgende aksie hier by BBM. Die Here het vir ons getroue mense gegee!!

    STUDENTERAAD: Terwyl ons soos Aaron en Hur die twaalf gekose leiers vir die afgelope jaar se arms omhoog hou en die Here bedank vir hulle harde werk, bid ons nou reeds vir die nuwe 12 vir a.s jaar. Die afgelope jaar moes die huidige leiers 12 manne/vroue oplei en voorberei om oor te neem. Dankie dat jy saamkniel vir die regte span!

    DOSENTE: Dit was 'n voorreg om Ds Koos en Elsa Truter beter te leerken. Hy het 1&2 Timoteus hier aangebied vir die tweedejaars die afgelope week.

    Ook Ds Bernard Zulu, oudstudent en pasgetroud met ons BBM verpleegster, het vir die eerste maal klas gegee en wel oor Nahum en Miga.

    Ons geliefde Ds Munyasia het Job vir die derdejaars gedoseer. Vrydag word eksamen geskryf en elke student preek sy Bybelpreek in selgroep verband en lewer dit dan in.

    HALLELUYAH OUDITORIUM: Die ruite wat geskenk is, word nou ingesit! Die vloer se toplaag is gegooi en die teëls, ook 'n geskenk vir die 850 vierkante meter vloer, sal Maandag begin gelê word. Martin en Blosom is tans besig met die loodgieterswerk. Ons dank die Here vir Sy geskenke om hierdie bekwame mense te stuur!

    BABATEE: Dit was 'n groot verrassing vir Precious toe ons Maandagmiddag 'n babatee vir haar gehou het. Ons bid die Here se nabyheid toe vir haar en ook haar man. Ons dank aan haar skoonma wat help kinders oppas. Precious is báie "precious" omdat sy al haar werk doen met die mooiste glimlag! Vir ses weke sal Jenny haar plek neem om alle gaste en ook die hoofhuis te versorg. Ons bid vir genade!

    KRUIETUIN: Prof Joan se kruietuin wat mooi kunstig in 'n wawiel patroon uitgelê is in die middel van ons groot groentetuin, vorder pragtig! Die 82jarige sendeling stort al haar talente uit hier by BBM. Ons sê Dankie aan ons God! Ons eet al wortels en kool en beet uit ons eie tuin! Ons bid graag dat die reën binnekort uitgegiet sal word deur ons Vader.

    ERNSTIGE VOORBIDDING: Bid asseblief saam vir Elreza se enigste suster Barbara Schoonees van Bloemfontein wat wéér chemoterapie kry vir kanker. Dis nou die derde en die laaste keer dat sy behandeling kry. Ons is almal innig lief vir haar en smeek saam vir genesing. Sy is 'n inspirasie vir ons almal met haar blymoedige oorgegewenheid aan die Here.

    Ons studente worstel om hulle Losies en Inwoning by te bring. Ons roep nederig en in geloof na ons Vader om asseblief te voorsien. Baie baie dankie dat jy uit jou hart gee en ons finansieel bystaan. Groot is jou beloning in die ewigheid!

    TOEKOMSTIGE UITREIKE: Ons wag op die Here vir Sy opdrag, nadat ons uitnodigings na Zambië en na Swaziland ontvang het om nog twee "Back to the Bible Colleges" te gaan begin. Ons wil graag blydskap in God se hart bring deur ons stiptelike gehoorsaamheid. Ons vertrou vir die fondse en wil baie graag Bybels saamneem om uit te deel! Dankie vir Bybels wat na ons toe gestuur is. Ons benodig nog báie! Mag verlore mense by Jesus uitkom, bly ons voortdurende gebed!

    DANKIE! Graag sê ons DANKIE dat jy tyd maak om ons weeklikse briefie te lees en te deel met ander voorbidders. Onthou, jou gebedsversoeke is WELKOM!!

    Bid asseblief saam vir ons gereelde maandelikse GEBEDSVENNOTE byeenkoms op VRYDAG 23 AUGUSTUS om halfsewe by Caritas, Oosterlig, Constantiapark, Pretoria en as jy kan...kom kuier saam.

    Met liefde en gebede en mag ons asseblief vra vir gebed vir bietjie ekstra krag!

    Shai en Elreza en almal by BBM Barberton.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART. " Ps 37:4.

    Webwerf: www.bbmission.org

    Die "Newsletter July/August 2019" met fotos kan afgelaai word by die volgende skakel:

    https://documentcloud.adobe.com/link/track?uri=urn%3Aaaid%3Ascds%3AUS%3A8c2c943c-391f-480c-9587-42ab5e5824f9

    Valley of Mercy • Barberton, Mpumalanga 1300 • South Africa

  3. BLUE LAGOON, WALLIS: Saam met ons nommer drie seun: FERDIE & SUZETTE en gesin het ons die weelde van kinders beleef wat jou liefhet, luister na jou stories, saam rus, lag, eet, swem en bid!! En Oumie Storie moes al die geliefkoosde stories vertel.....Dit is weelde!!

    *KOMMUNIKASIE: Ons harte het warm geklop om te hoor van bekeerlinge wat bely dat hulle geestelik groei, gedissipel en opgelei word in Malawi en Mosambiek by die Back to the Bible Colleges. Bid asb saam vir ons Here se hand oor al hierdie uitbreidings en die vele kolleges wat nog in Afrika gestig moet word...Die Woord moet uit! Verlorenes moet inkom, soos wat JESUS red wat verlore is, en onopgeleide predikante moet deur oud-studente begelei word deur die Bybel! Terwyl ons gereeld vir elke vir-gebed-aangenome-sendeling bid en intree, waardeer ons élke epos wat geskryf word met gebedsversoeke! Stuur gerus!! Ons bid saam!

    ONRUS BY SHEBAMYN: Nuus en foto's het ons bereik dat by ons bure die talkmyn nou finaal afgebreek is en die R38 gesluit is na 'n groot vragmotor en drie ander voertuie aan die brand gesteek is deur oproermakers en stakers! "Ag Here, asseblief: beskerm, bewaar, bring tog U vrede, orde en rustigheid in ons land!!!"

    TERUGRAPPORT VERGADERING: Na ons Gebedsvennote byeenkoms en Elreza se 78ste verjaarsdag herdenking: waarna jy baie hartlik uitgenooi word op VRYDAG 2 AUG 7NM te Caritas Oosterlig, Constantiapark, Pretoria (laat weet asb as jy kan bywoon!) begin ons BBM derde kwartaal op 5 Aug. Ons is dankbaar vir die 19 studente wat oorgebly het by BBM tydens die vier weke Julie Uitreik vakansie, dat die Halleluyah Ouditorium se vloer gelyk en skoongemaak is vir die finale sementlaag voor die teëls gelê word. Die elektrisiteit is ook aangelê. Die groente- en ander tuine en ons geliefde waghonde word ook versorg. Ons twee Duitse Herdershonde word nou vinnig oud en ons benodig twee jongeres. Weet iemand dalk waar ons 'n swartbruin reun en 'n wit teef kan kry asseblief?? Die varkhok het ook 'n nuwe sementvloer gekry, omdat die varkfamilie dit kort-kort omdolwe!

    STUDENTESKULD: Terwyl elke student wat dit wou hê, 'n bemarkingsbrief ontvang het voor die vakansie, prys ons die Here vir 'n onbekende iemand uit die VSA wat geld vir een student gestuur het.(Koste is R4500 per jaar per student vir Losies en Inwoning.)

    DANKIE! Ons neem nooit as vanselfsprekend aan dat jy omgee en bid vir ons nie! BAIE BAIE DANKIE!

    GESEENDE WEEK!

    Liefde van Shai en Elreza en die hele BBM familie.

    Webtuiste: www.bbmission.org.

    shyriesmulder@gmail.com.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    " MY BEKER LOOP OOR!" Ps 23:5 is die vreugdekreet van Dawid terwyl hy op sy harp onder die wilgers van Bethlehem gespeel het. En terwyl ons behoort aan dieselfde Goeie Herder is dit ook ons belewenis! Jesus Christus oorlaai ons met Sy hemelse gunsbewyse! Loop jou beker ook oor? Kry jy dit reg om selfs deur donker nag omgewe steeds jou pelgrimslied te sing????

    SONSONDERGANG: Dit was elke aand teen skemer heerlik om daar in Malawi op stoele onder die bome te sit en kyk na die vlammende sonsondergang. "God tells us that He loves us with each sunset that He gives."

    NUWE FAMILIE: Malawi is die vierde Back to the Bible College in Afrika wat nou amptelik gestig is en wat beheer en georganiseer word deur oud-studente! Al ons dank aan ons Vader. Hulle begin met 62 leraars/studente wat nooit enige opleiding gehad het nie. Dit was 'n groot seën om nuwe familie-vriende te ontmoet bv Maxwell en Lamba wat ons 2 en Herman Hinsbeeck se boodskappe vertaal het. Ons loof die Here vir vele mense : volwassenes en kinders wat die Here Jesus as Verlosser aangeneem het. Ons kan nie in harte sien nie, maar ons glo dat opregtes sal volhard. Ons het weer eens vir dissipelskap gereël. Mag die Heilige Gees die naprediker wees! Ook twee oud- studente David Goka (vir Shai) en sy pragtige dogter Sarah het vir Elreza al vyf boodskappe gedurende die Vrouekonferensie getolk ! Past Forster Chapo is bereid om verantwoordelikheid vir die hele BBC Malawi te neem...moontlik op drie plekke!! Hy het as afskeidsgeskenk vir ons drie sprekers elkeen 'n handgemaakte grasbesempie en 'n grashoed gegee.

    VERVOER: Maandag 8 Julie om 3vm het ons taxi: soos gereel deur ons eerstejaar, Promise Gold: Bishop Kamanga, betyds opgedaag en is ons weg na Blantyre....later gevlieg na Lilongwe....nog later na Suid-Afrika. By Oliver Tambo was een van ons tasse weg. Na heelwat gesoek en verklarings...en gebed tot ons alsiende Vader... het ons begin wegstap van die aankoms lokaal. Skielik kom 'n beampte aangehardloop met die goeie nuus dat ons tas gevind is! So verhoor ons voorsienende hemel Vader!

    Ons is baie dankbaar teenoor Gerrit Bezuidenhout wat ons elke maal kom haal het en gehelp het met die bagasie!

    KINDERS: Die groot blydskap om kinder- en kleinkinder-arms hier in Engeland om ons te voel kan ons moeilik beskryf! En die Bybel- en ander stories saans voor slaaptyd, is kosbare geleenthede!! Ons bid graag vir al ons studente, sendelinge en ondersteuners se nageslagte! Wat 'n wonderlike belofte dat God getrou bly "tot in die allerlaaste nageslag!"

    Nou gaan ons vakansie hou saam met ons kinders in Wallis. Daarna het ons die voorreg om ons jongste skoondogter Natasha, se Meestersgraad plegtigheid in Arbeidsterapie by te woon. Sy het dit gecum! Ons is dankbaartrots!

    VOORBIDDERS: Ons is op ons knieë en in opregte danbaarheid bid ons nou vir jou en jou mense wat vir ons intree! Asseblief bid vir vrede op die R38 pad van Barberton tot by Sheba Sylyn daar by ons, want dit is nou gesluit weens opstande! Mag die Here ingryp en vrede bring!

    Ons groet met liefde en dank diep uit ons harte!

    Shai en Elreza en almal van BBM verstrooi oor Afrika!

    Webwerf: www.bbmission.org.

    "VERLUSTIG jou in die Here en Hy sal jou gee die BEGEERTES van jou hart. " Ps 37:4

    Valley of Mercy • Barberton, Mpumalanga 1300 • South Africa

    UITDAGING: Voor in die BBM kapél is 'n skildery van JESUS aan die kruis . Hierdie woorde is onderaan geskryf:

    "JESUS DID THIS FOR YOU! WHAT DID YOU DO FOR HIM?"

    Die skatryk jong edelman wat d Morawiese sending begin het, het 'n ontmoeting met JESUS gehad voor 'n skildery van JESUS op Golgota met hierdie woorde onderaan. Hy het sy ganse lewe aan JESUS oorgegee. Die honderde jongmanne van Amerika wat agv sy inspirasie as sendelinge na Afrika gestroom het, het elkeen sy eie doodkis saamgebring. Hulle het geweet dat hulle binne twee jaar dood sou wees agv malaria, tifuskoors, swartwaterkoors, ens. maar die Masedoniese roepstem van die lewende God het hulle gedring om te gaan om die vrymakende blye evangelie te verkondig en uit te lewe!

    MALAWI UITREIK: Vele ongerieflikhede...Shai se tas nie op d lughawe nie. Na 'n uur uiteindelik het ons dit! 'n Woning sonder elektrisiteit, sonder lopende water, sonder spieels, deure is lakens, toilet buite en slegs 'n gaatjie in die grond met kakkerlakke, vreemde taal...droë patats vir ontbyt.... muskiete...MAAR: mense kom tot die lig...pastore/leraars is honger vir die Woord...vurige gebede gaan hemelwaarts... God werk en bevestig wat ons in swakheid doen...PRAYER & SPIRITUAL WARFARE, LEADERSHIP, EVANGELISM deur Elreza, Shai en Herman Hinsbeeck terwyl JY VIR ONS BID!!

    Een leraar kom vorentoe en getuig dat hy wedergeboorte ontvang het...met 'n stralende gesig!

    SEËNINGE VAN GOD: Dankie Here vir ons eerstejaars student: Promise Gold, wat met sy biskop gereël het om ons te vervoer hier in Malawi, vir JOU ons getroue voorbidder, bemoediging deur jou Skrifwoorde en versekering van intense intersessie. Loof die Here! Hy gee ons dankbare harte! Ons empatie met sendeling offers groei by die dag!!

    GOEIE NUUS: Ons kry nuus van BBM Barberton dat dit goed gaan...al is daar -+40 studente wat nêrens uitreikpunte kon kry nie en dit beteken ekstra kos.. ekstra geld....Groot dank aan Ben Theron wat instaan in hierdie tyd! Ook van die Back to the Bible Colleges in Etiopië, Madagaskar en Mosambiek verneem ons dat hulle volhard met die kurrikulum én die 22 Bybelboeke per jaar (dws al 66 Bybelboeke gedurende die drie jaar) volgens THE OUTLINE BIBLE ( by my pa Ds Frikkie Kelber geêrf!!)

    DRIE MALAWI TAKKE: God lê dit op Bishop Forster Chapo se hart dat ons drie Back to the Bible College takke moet hê: hier in die suide een, in Lilongwe nog een ( en Gibson Nkhoma oud-student is bereid daar) en dalk in Mzuzu in die noorde?? BID SAAM asb. Ons is hier om ons Meester se opdrag uit te voer.

    KINDERS: Wat 'n vreugde dat ons kinders én BBM studente ons steeds aanmoedig en ons bystaan met gebede! God het 'n groot liefde in ons harte gelê vir élkeen! Ons sien só uit na ons kuier in Engeland, ook na ons uitreik op 21 Julie na ons getroue Colne groepie voorbidders wat ons jaarliks inspireer!

    SANG: Afrika kán sing met groot vreugde! In ons harte weerklink 'n lied uit kinderdae:

    "RED WAT VERLORE GAAN

    SOEK DIE WAT STERWE..." Ons weet: "DIE SEUN VAN DIE MENSE HET GEKOM OM TE SOEK EN TE RED WAT VERLORE IS!" En jy soek saam dmv jou gebede....

    Ons groet jou uit die vreemde met liefde en dankbare harte!!

    Shai, Elreza, Herman en ons hele BBM familie.

    Webwerf: www.bbmission.org

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Valley of Mercy • Barberton, Mpumalanga 1300 • South Africa

    "LITTLE IS MUCH WHEN GOD IS IN IT!" Dit was die tema van Elreza se boodskap een môre hierdie week tydens ons vroeë oggenddiens oor die klein seuntjie van Johannes 6:1-14 wat sy klein pakkie padkos vir Jesus opgeoffer het. God het derduisende mense dmv hierdie klein offergawetjie gevoed. Shai het sy afskeids boodskap vir die 1e semester oor "FROM DEFEAT TO VICTORY" oor Joshua, Job, Dawid, Petrus en ons Here Jesus gebring. Mag die báie boodskappe wat ons almal orals hoor 'n ewige impak in ons lewens hê!

    GEBEDSVENNOTE, 21 JUNIE, PRETORIA: Ons dank God dat die yskoue winteraand ten spyt, mense kom saambid het vir mekaar en veral vir die uitreik na Malawi om nog 'n Back to the Bible College te gaan stig op aandrang van oud-studente! Baie dankie dat ons kan reken op jou saamreis op jou knieë om God se planne uit te voer!

    ETIOPIESE FEESVIERINGE: Met vreugde het ons Saterdag in die hartjie van Johannesburg die bevestiging van 34 sendelinge saam beleef!

    TENDONITIS: Van 2 tot 5vm Sondagmôre het ons by 1 Militêre Hospitaal met 'n kloppende gewrigspyn in Elreza se linkerhand (en sy ís linkshandig!) gewag totdat 'n besonder vriendelike dokter en suster dmv inspuitings en Zefo tablette gehelp het met die pynlike tendonitis. Ai, hoe nietig is die mens nie!!

    PETRA INSTITUUT OPLEIDING: Ons eerstejaars het 'n uiters bekwame span beleef en elke dag 2 1/2 km heen en terug gestap na Sheba informele nedersetting om kinderuitreike te beoefen. Baie dankie aan Dietmar en Magriet Frey en span! Ook aan Rev Chinhamo (Escatology) en Rev Goba (Zephaniah), ons eie personeel, sê ons dankie!

    JULIE VOORBEREIDINGS: Bid asb saam vir kalmte en volvoering soos wat ons reëlings tref vir die jaarprogram... .aartappels en mieliemeel bestel en gaan haal...lesings gereed kry...geskenkies koop vir kleinkinders in Engeland ...briewe vir studente gee om mede ondersteuners te werf...sovele sake probeer afhandel..." DIE OË GEVESTIG OP JESUS!"

    AFRIKASANG: Oos-Afrika mense...Malawiërs...

    Zimbabwiërs, Africa 4 Jesus massakoor ens het in groepe gesing op ons Woensdag sangoggend. Op hulle gesigte lees jy hoe hulle harte saamsing wanneer hul in hulle eie taal die Here se lof besing! "GOD WOON TUSSEN DIE LOFSANGE VAN SY MENSE!"

    GESKENKE UITDELERY: Groot was die vreugde om die oorvloedige geskenke van 'n oud-student: tandeborsels, en -pasta, seep, toiletpapier, handeroom vir elkeen uit te deel. "GOD HET 'N BLYMOEDIGE GEWER LIEF!" Ook jou geskenke van voorbidding... ondersteuning van een student (R400 per maand!!!)..'n heerlike ete ...soos weer die week ontvang...sál deur die lewende God beloon word!

    DISSIPELMAKING: Ons weet jy bid saam vir ware bekerings en dissipelmaking soos wat ons BBM gesin uitmekaar spat vir die Julie uitreike oor die hele Afrika en selfs Europa tot ons DV weer begin op 5 Aug. Baie baie dankie vir jou hart wat warm klop vir JESUS CHRISTUS en ook vir ons!

    Met liefde en gebede,

    Shai en Elreza Mulder en ons almal by Back to the Bible Mission.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Webwerf: www.bbmission.org

    SKRIF: Heb 4:16 "LAAT ONS DAN MET VRYMOEDIGHEID NA DIE TROON VAN GENADE GAAN DAT ONS GENADE KAN ONTVANG EN OP DIE REGTE TYD HULP KAN ONTVANG!"

    Het jy hulp nodig? Kom na die God wat hemel en aarde gemaak het....Kom na Hom wat tyd en ewigheid in Sy hande hou! Hy kan, Hy wil, Hy sál jou help!

    HALLELUYA OUDITORIUM: Wat 'n vreugde het ons beleef, dat die argitek en sy span in plaas van 2 weke, slegs een week geneem het om die volledige 40X18 meter reuse plafon te installeer, spesiaal vervaardig om uitstekende klank daar te stel! En Estelle en Louana het as uithalerspyseniers so spesiaal vir die tien manne gesorg! Ons laaste saameet aand het die manne getuig dat die Here hulle beïndruk het met BBM...die studente...die personeel ...die atmosfeer en geboue! SOLI DEO GLORIA!!

    KAAPSCHE HOOP BESOEK: Ons 6 Kelbers se besoek aan die fraaie Kaapsche Hoop en die Kruger Wildtuin was 'n groot seën! Deur genade kon ons 3 van die groot 5 sien...en na n stille gebed, net voor ons by die hek uit is, kom ons op DERTIEN LEEUS af! Groot opwinding! Groot genade!

    VERGIFNIS: Sondagmôre in die kapél is ons harte aangegryp deur 'n personeellid se preek oor VERGIFNIS: dit was in die kol! Hoeveel leed doen ons nie onsself aan deur nie volledig te vergewe nie!

    FOTOBRIEF: Met 'n laatnag oefening kon die Junie kleur foto brief gebore word met Brigid Sachingezhi, die Sendingkantoor se puik sekretaresse/administrateur se bystand! Laat weet asb as jy een per pos wil ontvang! Ons stuur dit graag per WHATSAPP deur.

    KLASGEE: Rev Hunter Combs, Dr Peter Hammond se skoonseun, het die week ELEMENTARY GREEK kom doseer. Hy het 'n sendeling, Isak Westraad, vanaf Mosambiek saamgebring. Selfs in die bosse van Afrika kan Grieks en Hebreeus predikante in staat stel om die Bybel beter uit te lê. Die studente is in die wolke met hierdie puik dosent! Hulle het Rev Hunter in hulle harte geneem!!

    GRIEP: Intussen het Johannes én Charlotte én Elreza by dr Carel Hattingh gaan aanklop en antibiotika was onvermydelik! Ook Juanita Dunn ons ywerige "Hospitality Manager " het sommer dubbele longontsteking gekry en is so siek dat sy vir twee maande sal moet huis toe gaan om te rus. Asb, bid saam vir haar herstel! Ons is baie dankbaar dat ons ander drie beter is. Dit lyk na 'n kwaai griep wat jou lank buite aksie hou!

    Ons is baie dankbaar vir prof Joan wat vir Juanita so mooi versorg na sy uit die hospitaal gekom het! Ons dank ook die Here vir Johannes Mathe van Bultfontein OVS wat as SR lid vir Gasvryheid in haar plek instaan.

    KABUTZ ETE: Ons sê net een groot "Dankie" dat hierdie TWR sendelinge ons elke maand nooi om by hulle te kom eet in Pretoria..... God het beloof om selfs 'n beker koue water te beloon...wat nog van 'n heerlike ete!!! God bly getrou en sal Sy beloning nie terughou nie.

    MALAWI UITREIK: Ons is besig om ons vere reg te skud vir hierdie uitreik en steun op jou voorbidding. Mag ons presies bereik wat ons Vader graag wil hê! Dankie dat ons kan steun op jou ondersteuning! Ons vlieg 29 Jun en keer 8 Jul terug. Vertrek na 3 ure later na Engeland om by Ferdie en Suzette, Fanie en Natasha en 5 prag kleindogters te kuier! Vreugde!!!! Bid asb ook vir ons uitreik na ons Colne Voorbidders.

    ONS DANK GOD VIR JOU GEBEDE!!

    Met opregte waardering en liefde,

    Shai en Elreza en almal by BBM.

    Webtuiste: www.bbmission.org.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Valley of Mercy • Barberton, Mpumalanga 1300 • South Africa


    Jes 43:1, "EK HET JOU BY JOU NAAM GEROEP! JY IS MYNE!" So weerklink die liefdevolle stem van die lewende God wanneer Hy praat met 'n verlore sondaar wat omdraai op sy lewenspad en die Here as Verlosser aanneem en volg! En Ps 147:3 gaan voort: "HY GENEES DIÉ WAT GEBROKE IS VAN HART & HY VERBIND HULLE WONDE." " He heals the wounds of every shattered heart. Broken and shattered hearts are God's speciality!" So skryf een van ons vele Gebedsendelinge, Maretha Maartens! Ons sendelinge beteken só baie vir ons!!

    BEGRAFNISSE: Vandag en môre staan ons familie by twee oop grafte: Shai se sewejaar jonger broer Hannes Mulder (70) van Sasolburg en Elreza se neef Wilry Williams (84) in die Gamtoosvallei. Mag ons Here die trane afdroog en die leë plekke vul. Twee weduwees bly alleen agter!!!

    SINGENDE FAMILIES: Een van ons Vader se groot geskenke is om as deel van 'n singende familie groot te word, soos die Kelbers! By BBM het die drie Kelbers: Johannes, Elreza en Barbara liedere gesing bv. "I will sing of my Redeemer," "I can hear my Saviour calling," "Tenderly He watches over you," "Amazing grace," ten spyte van 'n gehoes en geproes agv die ysige oggendwinde hier in die Vallei van Genade waar ons moeder, Esperance Hamman, in 1900 gebore is.

    AFRICA 4 JESUS CHOIR: Die vreugdevure het hoog gebrand toe die 32 landsvlae ingemarsjeer is terwyl Handel se Hallelujakoor met die klank van 'n volle simfonie orkes speel. Daar was vele bewoë oë, ook van ons 10 manne: ons argitek, Wim Swart en sy medewerkers wat die reuse ouditorium dakplafon kom installeer het. Daar was 'n juigkreet toe die eerste spierwit dakplafon paneel met vele hande in posisie geskuif is!!! Dank God vir vrywillige hande en harte wat saamwerk tydens hulle vakansie!! Ons bid voortdurend vir beskerming en veiligheid en dank God vir oop harte en hande vir Sy koninkryk!

    ELEKTRIESE INSTALLERING VIR DIE "HALLELUYAH AUDITORIUM": Volgens belofte aan die Here het 'n groot vriend sy manne gestuur wat tans ook hiermee besig is. Ons dank ons God wat voorsien! Ons almal, personeel en studente by BBM, is steeds besig om skoon te maak en op te ruim.

    TRAGIESE TALKMYN SLUITING: Net langs en oppad na ons toe, het die Scotia Talkmyn finaal gesluit agv 'n staking twv hoër lone en oornag is sinkdakke en selfs volledige vensters met rame uit mure geruk. Dit lyk maar sleg! Hierdie myn geboue word nou murasies. Dit herinner ons aan sovele gebroke lewens in hierdie wêreld!

    MED B OOP DEUR: Ons dank ons Vader: die God wat deure oopmaak, dat Hy ook hierdie deur oopgemaak het om daar te kon gaan sing en die blye evangelie te kon verkondig deur musiek en getuienis.

    VERLORENES GERED: Die Bybel inspireer ons steeds om verlore mense na Jesus te lei en hulle te dissipel...die Groot Opdrag! Een ingenieur het selfs ons ouditorium bouer na Jesus toe gelei! Mag Godself die volharding gee!

    DOSENTE: Ons eie personeel kon die week Hooglied, Jona, Hosea, Filemon en Eskatologie vir ons studente aanbied. Ons is geseënd met bekwame gewillige diensleweraars! Ons kon 'n nuwe personeellid, Ivan Bam, verwelkom!

    INTERSESSIE: Ons beleef die intensivering van voorbidding vir mekaar en vir God se kerk hier by BBM en wêreldwyd! Ook in ons parlement blyk dit dat manne openlik Sy naam bely! Mag onse Vader ons genadig wees!! Dankie dat jy saamkniel voor ons gebeds-verhorende God!

    Ons groet jou met liefde en sê graag baie dankie ook vir jou saamstry vir die evangelie in Malawi 28 Junie tot 8 Julie en die res van Julie in Engeland, Winchester en Cambridge by ons kinders!

    Shai, Elreza en ons almal by BBM. Jy is welkom om te kom kuier!

    Webwerf: www.bbmission.org.

    " VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART." Ps 37:4


    Ons groet jou in die mooiste naam: Jesus Christus! In een van ons persoonlike geseënde Stiltetye kom God se trooswoorde:

    "JESUS IS ONS VREDE," Ef 2:14.

    "MY VREDE GEE EK AAN JOU!" Joh 14:27. In 'n wêreld vol onrus, oorlog, benoudheid, moord en onsekerheid is hierdie woorde soos salf op 'n seer wond!

    GASTE: Om 17 gaste gelyktydig te ontvang, is opwindend, maar tegelykertyd oorweldigend en uitdagend! Ek wens jy kon sien hoe ons al 132 mense orals mure, vloere, kamers, badkamers geskuur en geskrop het om alles netjies en skoon te kry vir die wonderlike mense wat kom werk in die tuine, die ouditorium en die kamers waar hulle tuisgaan. Dalk herberg ons selfs 'n paar engele, volgens die Skrif! Ons opregte DANKIE aan Gretchen Priory van Kaapsche Hoop wat gordyne, kussings ens. kom maak het, asook Vusi wat ingeklim het in die tuine. DANKIE! GOD SAL JULLE BELOON!!

    PINKSTER: Op sy vriendelike deurdringende manier het ds Pieter Malherbe hier op Barberton uit 1, 2 & 3 Johannes ons harte verwarm met die boodskap van God se onpeilbare, ewige liefde! Ons mannekoor GOLDEN TRUMPET GOSPEL CHOIR ook kon optree! HULLE IS BESKIKBAAR!!! Die gesellige samesyn rondom heerlike sop en brood daarna was heerlik!

    DOSENTE: 5 verskillende klasse is die week aangebied: Rev Tobias Kilaka (Zambië) met EZEKIEL, Dr Ian Chapotera (Malawi) met ETHICS, ons eie Shai met CHURCH ADMINISTRATION, Elreza met BIBLICAL CELL GROUPS en Prof Joan met PRACTICAL ENGLISH...'n mondvol en vreugde!

    SELGROEPE: Na 'n vinnige opname het dit geblyk dat drie uit die 12 sel/werksgroepe elk uit 8 lande (van die 20 wat nou hier voorberei word vir die sendingveld!) bestaan! Dis met verwondering het ons weer eens besef dat hierdie klein plekkie tussen die berge 'n plek in God se hart het! Hy roep mense en bring hulle met Sy eie hand na Back to the Bible Mission! En verder: Hy roep ook mense wat soms met groot opofferinge R100 per week betaal vir een student wat die "Boarding & Lodging" net nie kan bybring nie. BID ASB SAAM VIR GOD SE VOORSIENING!!

    OUDITORIUM: Ons argitek, Wim Swart en sy span arriveer die naweek en ons vra voorbidding vir élke kinkel in die kabel...daar is kort-kort een! Ons glo steeds: GEBED TOT DIE LEWENDE GOD VERANDER SAKE, MENSE EN JOUSELF!!

    FAMILIE: Elreza se broer ds Johannes Kelber en Charlotte van Rustenburg en haar suster Barbara en Fanie Schoonees van Bloemfontein kom kuier ook die week...vir die eerste maal ons ses saam by BBM.Ons hoop om in die Gevangenis te gaan sing asook by BBM. Kom ons bid vir mekaar se families!!

    RSG UITSENDINGS: Wat 'n voorreg dat Elreza hierdie week smôrens om 05:55 en saans 19:05 'n kort boodskappie kon uitsaai. Baie dankie aan elkeen wat gebel en boodskappe gestuur het. Mag die Here Sy Woord bevestig!

    VERJAARSDAG: Ons oulike klein Benson Sachingezhi (ons "Preparation Manager" se seuntjie) het die week een jaar oud geword en ons het dit in hierdie bitter koue Vallei van Genade met roomys en 'n koek gevier! Ons het die Here bedank vir ons aardse lewe en ook vir die ewige lewe wat Hy uit genade skenk!!

    VOORBIDDERS: Baie baie dankie vir elke gebed vir BBM en vir ons as vrywillige sendelinge. Bid asb vir Shai en Elreza en ook Ds Herman Hinsbeeck se uitreik na Malawi 28 Junie tot 8 Julie en die res van Julie besoek aan ons 2 seuns en gesinne en Colne Gebedsgroep! Julle gebede dra ons!!

    Geseënde week en moed vir elke uitdaging!

    Liefde,

    Ons almal by Back to the Bible Mission!!

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4.

    Webwerf: www.bbmission.org

    Hierdie week het ons letterlik beleef: "MY BEKER LOOP OOR!!" Ps 23:5

    OUD-STUDENT BRING GESKENK: Nuriye Sawude van die Bethel Ethiopian Evangelical Church het ons kom oorlaai met 200 kg rys, 100 gram boontjies, cremora, suiker, tandepaste en borsels, selfs toiletpapier, penne én skoenpolitoer vir elkeen van ons 140 inwoners!! Ere aan God vir iemand wat kom dankie sê aan God vir sy BBM opleiding!!!

    PLAASBOER VAN BRITS: Ds Frik Jordaan het gery met 'n sleepwa na Brits na Gert van Rensburg en by ons Gebedsgenote byeenkoms het hy sakke en sakke wortels, beet en patats kom aflaai! DANKIE HEMELVADER!

    STOOTSKRAPER: Op dieselfde dag het Theo vd Westhuizen konstruksie masjiene gestuur om die +- 2 hektaar grond gereed te kry vir die 300 makadamiabome wat teen Sept geplant behoort te word!! Ons loof ons Here!!

    BISHOP ZECHARIAH VAN TANZANIË: Hy het van ons oud-studente ontmoet en het eers geskryf en toe self kom kyk watter opleiding ons gee wat sulke spesiale mense produseer! Nederig sê ons dankie!!

    AARTAPPELS: Shai kon Nelspruit mark toe ry en ons dank ons Here vir 40 sakke aartappels en 10 uie wat uit genade aan ons geskenk word!!

    MIELIEMEEL! En toe is ons mieliemeel gedaan en ons Carolinaboer stuur 'n wavrag vol met ekstra semels nadat Chris Roets van die Rollermeule dit alles gemaal het ...ook vir ons varke. 4 klein varkies is die week gebore!!!

    BIDUUR: Hoe dank ons die Heer vir +- elke week Dinsdag se saambid en harte uitgesels van ons drie: Suzette, Frina en Elreza...noual vir 17 jaar! Geweldige seëninge én vele gebedsverhorings volg!!

    PERSONEEL SAAMEET: Elke Dinsdag is dit ons as personeel se vreugde om saam te bid en te eet. Die week het ons vyf "Managers" ons lief en leed en gebedsversoeke met die personeel gedeel: Dis nou "fellowship" van die beste!

    OMSENDBRIEWE: Laat weet asb as jy nie jou Meimaand Fotobrief ontvang het nie! Ons bid oor elkeen en dank God vir fondse wat soms inkom daardeur.

    VISUMS NA ENGELAND: Ons kon dit inlewer en wag vir die goedkeuring! Ons verlang veral ook na ons ver kinders!!

    GOLDEN TRUMPET GOSPEL MEN'S CHOIR: Versoeke vir optredes begin nou inkom: Sondag 2 Junie by His Light, Barberton gemeente om 6nm; Dins 4 Junie NG Gemeente ook 6nm tydens Pinkster. Bel gerus as jy hulle wil bespreek. 0833066323.

    Ons loof en prys die Here vir oorvloedige seën wat ons bekers laat oorstroom!

    VOORBIDDERS:

    Nou bid ons vir jou!! Vra gerus waarvoor ons vir jou moet intree??God het vir ons 'n groepie vurige voorbidders gegee!

    Opregte liefde en dankie dat jy saam dankie sê! Onthou ons asb in jou gebede oor elkeen van ons begeertes volgens Gods wil:

    **Mag verlorenes die week inkom en gedissipel word

    ** Asb registrasie en artikel 18 A se deurbraak,

    ** Asb geseënde huwelike en gelukkige gesinne

    ** Landsake wat soveel angs en kommer veroorsaak

    ** Ons bid saam dat al ons kinders, en kleinkinders die Here mag ken en gehoorsaam. **Jy is kosbaar en waardevol vir ons. Dankie vir opregte vriendskap!

    Saam in diens van ons Koning!!

    Liefde en gebede!

    Shai en Elreza Mulder en almal by Back to the Bible Mission.

    Webwerf: www.bbmission.org.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART." Ps 37:4


    Ef 6:11: "TREK DIE VOLLE WAPENRUSTING VAN GOD AAN SODAT JULLE WEERSTAND KAN BIED IN DIE DAG VAN ONHEIL!" Ons as nietige mensekinders wat sukkel om die onsigbare ewigheid te sien en te beleef, moet maar luister na die waarskuwings en roepstemme van die Bybel...ons hét God se wapenrusting nodig....daar ís bose magte wat ons bedreig, MAAR GOD gee keer op keer oorwinning! Sterkte vir jou stryd! Dankie dat jy bid vir ons s'n!!

    VAS EN GEBED: Dinsdag was weer ons geseënde geleentheid om saam as BBMfamilie te vas en te bid.Dit was 'n vreugdevolle dag en ons verwag God se antwoorde uit die hemel. Die nagmaal afsluiting deur Dr Alfred Zulu het Jesus se smart so realisties uitgebeeld ....'n mens se hart was aangegryp!

    UITREIKE: **By Bethal se Damestee wat so besonder keurig voorberei was, het ons Vader 12 vroue gered deur Jesus bloed!

    **Shai het by Kaapsche Hoop gepreek oor "Walking on water"

    Dit was aangrypend met voorbeelde uit die Skrif!!! Tydens die boodskap by die kombuispersoneel net daarna het vier dames 'n besluit vir Jesus Christus gemaak. Ons het hul aangemoedig om mekaar te dissipel!!

    MAKADAMIA BOORD: 'n Groot groep studente het die nuwe makadamia boord se terrein help skoon en gelyk maak! Ons kry 300 boompies as geskenk en ons hele familie wil graag self die bome plant en versorg!

    VOORPORTAAL: Die dak van die Halleluyah Auditorium is op en die pleisteraar is druk besig om sy werk te voltooi.

    HOOFKRAG TOEVOER: Vandag het 'n span studente die sloot vir 'n elektriese kabel gegrawe van ongeveer 300 meter!

    BEPLANNING: Ons is druk besig met voorbereidings vir 18 gaste wat kom Ouditorium plafonne installeer en dit sluit ook Elreza se broer en suster met hul eggenotes in wat kom kuier. Ons sien báie uit hierna want ons ses het nog nooit by BBM saam gekuier nie!

    Ons beplanning sluit ook al die reëlings in vir ons uitreik na Malawi waar ons graag die vierde Back to the Bible College wil gaan stig 28 Junie tot 8 Julie. Dankie vir gebede!

    GEBEDSELGROEP BRAAI: Dit was 'n unieke braai by flikkerende kerslig onder die gebedsboom met ons 9 lede. Elkeen het ons in die oë gekyk en uit sy hart dankie en waardering uitgespreek. 'n Mens kry nie dikwels so 'n bemoedigende selgroep nie. Dit was 'n oase langs die lewenspad!

    Mag die Here Sy hemelvensters oor jou oopmaak en jou uitsonderlik seën! Dankie vir elke gebed!!!!

    Met liefde en gebede en vrede!

    Shai en Elreza Mulder en almal by die kampus:132 mense!!

    Webwerf: www.bbmission.org

    " VERLUSTIG JOU IN DIE HERE EN HY SAL JOU GEE DIE BEGEERTES

    "GOD IS VIR ONS 'N TOEVLUG EN STERKTE; AS HULP IN BENOUDHEDE IS HY IN HOË MATE BEPROEF!" Ps 46:1

    Wanneer ons terugkyk in ons lewens, sien ons die wonderbaarlike uitredding wat ons Allerhoogste Skepper God en Vader aan ons as nietige sterflike mense gegee het! Ons kan maar ontspan...Hy is en bly in beheer!!!!

    BORGE: Uit ons harte: baie baie dankie vir die vreugde dat ons noual vir 15 studente...wat net te hulpbehoewend is en nie kan betaal nie... kon sê: Daar is iemand wat elke maand R400 vir jou losies en inwoning betaal. En party betaal selfs R500 om 'n ekstra sakgeldjie by te dra! Die Koning sal jou oorvloediglik seën hier op aarde én in die hemel!!

    STEMDAG: Vroegdag was die 133 staf en studente van BBM op hulle knieë in die kapél en met trane én geloof het ons saam as 20 lande van Afrika gebid vir die stemdag. Ons was in wit geklee om te getuig dat ons kinders van God is en die uitslag vertrou ons toe aan ons Vader! Lanklaas het gelowiges so hard en so ernstig gebid vir ons land!! Ons wag op die uitslag!!!

    DOSENTE: Die week het hulle van ver gekom: Prof Ed Gross van die VSA met HANDELINGE en Dr Alfred Zulu van Zambië met Church Planting en wat 'n seën is hulle nie vir ons nie!! Prof Ed het weer eens sy spesiale DISSIPELSKAP kursus meesterlik aangebied! Dr Alfred het ons uitgedaag om God sonder vrees te vertrou vir Alles!!

    NAGMAAL: Sondag die 5e Mei, was die Sendeling voorbidding spesiaal vir ons en vir BBM. Ons 2 was ook genooi om by die nagmaalstafel te sit...só spesiaal!!

    TWEEDE KWARTAAL: Ons kon feitlik almal betyds terug wees en met entoesiasme begin met 'n 9 weke kwartaal tot 5 Julie! Studente het ook hard gestudeer en veel bereik!

    OUDITORIUM:Die voorste mure en dak van die ingangsvoorportaal is amper klaar! Ons vorder!!

    VOORBIDDING: Dankie dat jy saambid vir ons "daaglikse brood".....en aartappels (R85 per sakkie!!!!) en alles wat ons veral geestelik nodig het. Ons Vader weet presies wat vandag en die week baie nodig sal wees.

    DRIE KOLLEGES: Groot dank en opgewondenheid heers oor die drie uitbreidings van Back to the Bible na drie lande sovêr: Etiopië, Madagaskar en nou die afgelope vakansie Mosambiek! Lg begin amptelik op Saterdag dié week!

    VOORBIDDING! Ons sê dankie, dankie vir jou getroue gebede wat ons deurdra wanneer ons moeg word.

    Vriendelike groete en... moenie verby ry nie...ons het lekker koffie en nog steeds heerlike beskuit van tannie Retha van Theunissen!!

    Mooi bly!

    Shai, Elreza, die personeel, 12 Studenteraadslede en elke student!

    Ons waardeer dat jy deel in ons lief en leed!

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:5

    Webwerf: www.bbmission.org

    Valley of Mercy • Barberton, Mpumalanga 1300 • South Africa

  4. Terwyl ons rus by Onder-Sabie, Kruger Wildtuin vir 2 dae na 2 weke se harde werk by die Etiopiërs en in Maputo, Mosambiek met opleiding, bemoedig die Here ons: Ex 33:14 "MY TEENWOORDIGHEID SAL SAAM MET JOU GAAN EN EK SAL JOU RUS GEE!"

    **INTERNET: Loof die Here dat ons nuwe internetstelsel werk! Mag dit effektief en met verantwoordelikheid bestuur word. Bid daarvoor ASB!

    **BYBELKOLLEGES: Loof ons Almagtige Sendinghart Vader vir die DRIE Back to the Bible Colleges wat gestig is: Etiopië (49 studente), Madagaskar (32), en nou Mosambiek (15). Bid saam vir volharding en voorsiening asb, ook vir Julie se Malawi en moontlik Sept se Kenia uitreike en stigtings asseblief!

    **HALLELUYAH OUDITORIUM: Die einde is byna-byna in sig. Die voorportaal dak vir o.a. die kombuis en kleedkamers word nou opgerig. Ons wag vir die plafonne, vloerteëls, deure en vensters en elektrisiteit se beloftes om vervul te word. Bid saam asb! Ons mik vir VRYDAG 6 SEPT 2019.....AS GOD WIL!!!

    ** VERLORE SIELE: Die Redder van verlorenes het vele ingebring in Sy sondaarsliefde, weer eens hierdie April uitreik. Bid saam vir dissipelmaking en die uitstuur van nuwe sendelinge!!

    **SING EN DANS IN DIE DONKER: Elreza was die spreker van die damesaand...kerksleutel weg...4 dames het gesing en later met vreugde gedans en gesing in die donker vir 'n uur lank in Mosambiek! Ons glo onse Vader in die hemel het geglimlag!!!

    **VOORBIDDERS: Baie baie dankie: jy bid saam vir elke krisis .....lofprys vir WIE ONSE GOD IS!!!!! Ons prys en aanbid God vir jou knieë langs ons!!

    **TWEEDE 9 WEKE: 5 Mei 2019 begin ons tweede kwartaal. Ons "verlustig ons in die Allerhoogste Wonderbare Koning"...saam met jou...terwille van ons OPGESTANE HERE JESUS!!

    Geseënde week! Oorwinnings op elke front!

    Opregte liefde!

    Shai Elreza en studente en personeel van 20 lande!

    www.bbmission.org

    +27833066323

    Valley of Mercy • Barberton, Mpumalanga 1300 • South Africa

    While we were resting at Lower Sabie, Kruger Park for two days after two weeks of hard work with the Ethiopians and in Maputo, Mozambique with training, the Lord encouraged us with: Exodus 33:14 : MY PRESENCE WILL GO WITH YOU AND I SHALL GIVE YOU REST!”

    ** INTERNET: Praise the Lord for our new internet system that has been installed and has begun to operate ! May it be managed responsibly and effectively. Please pray with us!

    **BIBLE COLLEGES: Praise our Almighty Mission-hearted Father for THREE new Bible Colleges that have been founded the past four years: Ethiopia (49 students), Madagascar (32) and now this year Mozambique (15). Pray with us for endurance and provision, please, also for July’s Malawi and possibly September’s Kenia outreaches and beginning of these Bible Colleges, please!

    **HALLELUYAH AUDITORIUM: The end is almost in sight!! The front porch roof for the kitchen and ablutions are being erected. We are waiting for the ceilings, floor tiles, doors, windows and electricity’s promises to be fulfilled. Please pray with us! We are in humble faith aiming atz FRIDAY 6 SEPT 2019…..FOR THE INAUGURATION, GOD WILLING!

    **LOST SOULS: The Saviour of lost souls brought in many with His sinners-love during this April-outreach. Pray for the disciple-making and the sending out of new missionaries.

    **SINGING AND DANCING IN THE DARK: Elreza was the speaker at the ladies meeting one evening in Mozambique..…The church key was missing and 4 ladies sat in the dark on the church steps…these 4 ladies later started singing and later danced with joy in the dark for an hour! Elreza joined them because she believed that God wanted her to be part of this joyful adoration! We believe our Heavenly Father smiled at us!

    **INTERCESSORS: Thank you so much for your prayers in every crisis… praising Him FOR WHO HE IS!!!! We praise and worship God for you being on your knees next to us!

    ** SECOND TERM: On 5 May our second term of 2019 will be starting. We “delight ourselves in our Almighty, Wonderful King”…together with you… for the sake of our RISEN LORD JESUS!!

    Have a blessed week! Victories in every battle!

    Sincere love

    Shai, Elreza, students & staff from 20 countries!

    www.bbmission.org

    +27833066323

    Valley of Mercy • Barberton, Mpumalanga 1300 • South Africa

  5. Loof die Here saam met ons vir die MOSAMBIEK UITREIK!

    DIE GRAF IS LEEG! ONS HEILAND LEWE EN HY LEWE IN ONS HARTE!!

    **GETSEMANÉ NAGMAAL: Dit was so spesiaal dat al die personeel en studente...24 van ons, wat nie weg is met die 3 weke Aprilvakansie-uitreike nie... Donderdagaand saam in die personeel eetkamer 'n Getsemané boodskap verneem en nagmaal saam gebruik het. Ons het opnuut ons Here Jesus liefgekry in ons harte!!

    **MARTIN BLIGNAUT: 'n Weermagvriend van ons het saamgekom van Pretoria na BBM om weer vir 'n week te kom help met onderhoud. Toe ons in Mosambiek was het hy foto's gestuur van hoe dakke geverf, tuinmeubels afgeskuur, elekriese foute herstel en kleedkamers skoongemaak word. Ons waardeer dit opreg!

    VRYDAG PAASDIENS: Ds Pieter Malherbe het 'n uitsonderlike diens gehou...almal was in swart of donker klere geklee. 'n ruwe houtkruis met swart lappe gedrapeer was voor in die kerk. Nadat hy grepe uit d Bybel gelees en gepreek het, het almal vorentoe gekom om 'n stukkie brood in druiwesap/ wyn te doop ter herinnering aan Jesus se offer!! Dit was 'n ontmoeting met ons Here Jesus!

    MOSAMBIEKGRENS: Klaar gepak...ewe rustig.. . is ons 3, Shai, Elreza en Herman, weg na die Mosambiekgrens ...baie opgewonde!

    Soos aasvoëls het verskeie "helpers" op ons toegesak en na +- R1000 het ons herregistrasiedokumente, 'n tweede geel onderbaadjie, n tweede rooi driehoek, 'n liefdadigheidsfooi, ens ens betaal en kon ons uiteindelik deurry. Ons het toe lank by Shoprite gewag en gewag omdat Vadinho en Noé ons gaan soek en misgeloop het!!!!

    MOSAMBIEK VERWELKOMING! Ons is hartlik verwelkom met 'n heerlike ete deur ons uitstaande kok: Cornelia , Vadinho Monteiro se vrou. Ons het 8 dae by hulle gebly.

    Geen spieëls, geen handoeke en 'n harde skuins bank om op te slaap was uitputtend. Een nag toe Elreza omdraai toe val Shai van die skuins bed af...toe het hulle maar die slaapplekke omgeruil! Al hierdie avonture hou mens klein en nietig en dankbaar. Dit gee jou ook n groot waardering vir sendeling-offers !!

    **OPSTANDINGSONDAG KERKDIENS: 'n Stampvol kerkdiens was 'n pragtige gesig. Weer eens het 10 verlorenes hulle hande opgesteek om JESUS AS VERLOSSER te aanvaar.

    BACK TO THE BIBLE COLLEGE, MOSAMBIEK: Deur ons hemelse Vader se genade kon ons die opdrag van die Here begin uitvoer, naamlik om by al 32 Afrikalande wat reeds iemand gestuur het om by BBM opgelei te word, Bybelkolleges te stig. Mosambiek is die derde een. Ons doel is om leraars wat geen opleiding gehad het nie ( en statistiek toon dat 80% van Afrika leraars geen opleiding deurloop het nie) op te lei!

    OPLEIERS: Shai het LEIERSKAP, Elreza GEBED EN GEESTELIKE OORLOGVOERING en Herman Hinsbeeck EVANGELISASIE & DISSIPELSKAP aangebied elke oggend en aand. Tydens feitlik elke sessie het 2 of 3 siele ingekom in Gods koninkryk. Loof d Here!!

    IRIS BAKER KOMPLEKS VIR TEOLOGIESE OPLEIDING:

    Wat 'n voorreg wat dit nie om hierdie instansie te besoek nie!! Die hoof van Teologie: Dario Alberto Bié het ons vriendelik ontvang. Hy wil graag studente (wat Engels magtig is) vir ons stuur, want hulle opleiding is slegs vir 3 maande.

    GEBEDE! Tydens sulke uitreike steun ons baie swaar op jou voorbidding wat ons dra. Dankie aan elkeen wat ons deurdra met gebede.

    Baie liefde en...kom kuier!!

    Elreza vir Shai Mulder en BBM familie.

    www.bbmission.org.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!!!!" Ps 37:4

    Valley of Mercy • Barberton, Mpumalanga 1300 • South Africa

    In Mat 11:29 sê JESUS: "Neem My juk op jou en leer van My, want Ek is sagmoedig en nederig van hart en jy sal rus vind vir jou siel; want My juk is sag en My las is lig!"

    Here, help my om slegs U juk op my skouers toe te laat, want alle ander jukke is te swaar vir my. Ek buk laag om U sagmoedige ligte juk te ontvang, sodat my rustelose hart kan bedaar onder U nederige vrede! Amen.

    **BBM SLUIT: Dit bly hartseer wanneer ons aan die einde van 'n kwartaal sluit en ons uitmekaar spat. Ons bid vir geseënde veilige uitreike, siele wat moet inkom en die personeel wat bly om op te pas vir drie weke!

    **NUWE ORE/ DOWWE OOG HERSTEL: Hoe goed is ons Here wat ook nou gesorg het vir "nuwe" ore by 1 Militêre Hospitaal vir Elreza om beter vir ons Meester te kan werk! Na 'n aanval van erge allergie was Shai se linkeroog dof. 'n Vriendelike spesialis het met laser die oog weer duidelik laat sien!

    **GEBEDSVENNOTE: Ons dank God vir 'n groepie Pretoria voorbidders wat kon saambid en die Here vasgryp soos Jakob by die Jabbok fjord:" Ons sal U nie laat gaan voor U ons seën nie!"

    **MORELETAPARK PAASFEES PROGRAM: Wat 'n aangrypende Gethsemané-Golgotha-Oop graf skouspel wat trane in vele oë gebring het olv ons peetseun Johan Kelber! Wat 'n vreugde om ook ons broer ds Johannes en sy vrou, Charlotte Kelber te kon sien en saam te bid!!

    **ETIOPIESE LEIERSKAP/GEBEDS-OPLEIDING: Om ander te leer moet jy dit eers jou eie maak! Ons dank God vir díe voorreg dat Shai en Elreza hierdie lesings in Booysens kon aanbied. Vier manne het aangedui dat hulle 'n oorgawe aan die Man van Nasaret gemaak het!

    **WONDERBOOM E.G. BIDUUR: Om in verskillende gemeentes te bedien, veral om God se wonderwerkende krag in gebed te verkondig, bly 'n groot vreugde. Ons land is op ons knieë en ons smeek vir uitkoms: Godvresende mense om ons land te lei. Wat 'n voorreg "want waar twee van julle saamstem oor enige saak, sál Ek dit doen!" Ook oor ons voorgenome Mosambiek uitreik 20-28 April, bid ons vir gesondheid, oop harte, goeie tolke, volharding met die leerprogram, die stigting van Back to the Bible College, Mosambiek olv oudstudente!

    Dankie dat jy saambid!

    Liefde, Shai en Elreza Mulder

    www.bbmission.org

    +27 833 066 323

    Valley of Mercy • Barberton, Mpumalanga 1300 • South Africa


  6. Joh 15 : 7 "AS JULLE IN MY BLY EN MY WOORDE IN JULLE, SAL JULLE VRA NET WAT JULLE WIL HÊ, EN JULLE SAL DIT VERKRY!" Kom ons doen dit met groot verwagting vir elke krisis en uitdaging!!!!

    BEGRAFNIS: n Geliefde naby vriendin, WIESIE KOCH, deel van ons klein weeklikse Bybelstudiegroep is oorlede! Haar plek is leeg...en sy was 'n vreugdevolle inspirasie! Ons harte is seer, maar ons weet sy is by die Here Jesus wat sy so innig liefgehad het! Mag die Here ons leer en lei om Hom voluit en enduit te dien!!

    EE3 DOSENTE: Weer eens het drie dosente: Herman, Driaan en Winny hierdie kursus kom aanbied: EVANGELISM EXPLOSION en weer het die studente dit uitsonderlik geniet. Baie mense het al hierdeur die ewige lewe ontvang! Mag hulle hierdie kursus gebruik in die drie weke uitreik vakansie om vissers van mense te wees!

    UITREIKE: Die eerste en langste kwartaal van 10 weke eindig die week. Almal by BBM is moeg en pap. Mag ons heerlik rus en ook ons werk voltooi!! 30 studente bly hier by BBM en ons is dankbaar dat almal gaan uitreik na Sheba, gevangenisse en Shai en Elreza na 'n Etiopiese Bybelskool vir 'n week en nog 'n week na Mosambiek. Ons waardeer inniglik elke gebed!

    BOBS UITREIK: Die dierbare tannies en een omie het weer kom luister na 'n boodskap oor DESPERATE GEBEDE soos dié van Jakob by die Jabbok, Hanna al snikkend in die tempel en die moordenaar aan die kruis. Die genadige uitkoms van ons hemelVader is 'n groot aansporing vir ons om deur te bid totdat ons die Here hoor!!

    HALLELUYAH OUDITORIUM: Binnekort gaan die plafonne, vloerteëls, ruite, deure, elektrisiteit ingesit word, tot ons groot vreugde!

    INTERNET KRISIS: Hierdie krisis oor die afgelope twee jaar hou net nie op nie! Bid asseblief saam dat die Here tog asseblief nou uitkoms sal gee!!

    GEBEDSVENNOTE: PRETORIA: Ons sien met opgewondenheid uit na hierdie maandelikse byeenkoms op Vrydag 12 April om 7nm wanneer voorbidders ons hande gaan vat en ons saam gaan bid vir mekaar en vir BBM met sy baie uitdagings!

    Sterkte vir jou week en opregte liefde van ons kant af!

    Shai, Elreza en BBM Familie wat nou oor Suider-Afrika ontplooi vir uitreike!!

    "VERLUSTIG JOU IN DIE HERE EN HY SÁL JOU GEE DIE BEGEERTES VAN JOU HART!!" Ps 37:6

    www.bbmission.org


  7. BYBELVERS:

Ons sê dankie vir Heb 13:5: "EK SAL JOU NIE LOS NIE. EK SAL JOU NIE IN DIE STEEK LAAT NIE!" Wat 'n wonderlike troos en bemoediging dat die Vredevors van hemel en aarde hier by my is!!

  1. GASTE EN DOSENTE:

Die Here gee kort-kort nuwe familie vir BBM, soos die jarelange vriendin, Magrite Tebboth, 'n opgeleide berader van Engeland wat jaarliks kom klasgee. Ons ontvang 9 gaste die naweek en klein Juanita Dunn hardloop met haar "Hospitality-span" om alles reg te kry en reg te hou. Bid asb vir hernude krag en volharding. Ook Prof Albert van Niekerk van Duitsland het ons besoek met interessante strategieë. Mag die Here elke voorbidder en donateur uitermate seën!

  1. STUDENTE:

'n Paar van hulle grawe 'n rioolsloot smiddae; wikkel in ons groentetuin en het die week 7 verlorenes ingebring in Gods koninkryk. Ons kry die name en tel no om hulle op te volg met dissipelskap!

Nog 5 nuwe studente wat paspoort en finansies uitdagings gehad het, het veilig aangekom....nou reeds 109 studente in totaal!

BBM se sang, veral vroeg more met "DEVOTIONS" dra 'n mens in God se teenwoordigheid in. Ons begin reeds oefen aan liedere vir a.s jaar se nuwe CD!! Bid asb saam!

Openbare optrede word uiteindelik deur elke student beoefen tydens die "MORNING DEVOTIONS!!" Sommige bewe, maar kom gou reg!

Die dames het die week een middag bymekaar gekom en ons twee spyseniers het ons toegespreek oor eenheid, netheid en die wag hou oor ons tonge!

Maandagaande is die hoogtepunt van die week: "HOMELETICS" wanneer studente preek en beoordeel word. Hulle leer vinnig!

AFSKEID EN VERWELKOMING:

Ons was hartseer om vir Rev Alexander Biaou van Benin te groet en het vir hom gebid. Sy gemeente in Benin roep hom terug om 7 gemeentes te beman!! Ons bid vir iemand wat administratief kan help in sy plek! Rev Tobias Kilaka het 'n uitstekende intree-preek gelewer: 'n nuwe staflid!!

VOORBIDDERS & SENDELINGE:

Julle bly, naas die geskenk van die ewige lewe, ons grootste aardse geskenk! Ons waardeer elke gebed! Vra gerus, ons kniel graag saam met jou voor die Genadetroon!!

Vrydagaand 15 Maart nooi ons weer almal wat kan, om halfsewe saam te kom kuier en bid by Caritas, Oosterlig, h/vJudith en Leastrate, Constantiapark.

Goeienag en Gods rykste seën!

Liefde, in oorvloed!

Shai en Elreza Mulder en almal by BBM. Webwerf: www.bbmission.org

Valley of Mercy • Barberton, Mpumalanga 1300 • South Africa


  • SKRIF: Ps 62:9 "VERTROU OP GOD ALTYD, O VOLK! STORT JULLE HART UIT VOOR SY AANGESIG! GOD IS 'N TOEVLUG VIR ONS!"

    Almal van ons het iemand nodig wat ons kan vertrou en by wie ons die blydskap en hartseer van ons lewens kan uitstort. Hoe bevoorreg is elkeen van ons wat die Here God as Vriend en Vertroueling ken! Hy is 'n veilige Skuilplek in die lewensstorms!

    **EERSTEJAARS KONSERT: Woensdagmiddag hierdie week het ons die nuwe eerstejaars se besondere talente as koor en solosangers, toneelspelers, digters en getuienisse terdeë geniet.

    **WOENSDAG SANGOGGEND: Die boodskap oor Maria van Betanië wat by drie geleenthede by Jesus se voete gevind is, het harte uitgedaag.

    **VROUE BYBELSTUDIE: Dit was 'n vreugde om die dorpsdames Dinsdagoggend by BBM te verwelkom met o.a. pannekoek en 'n voorlesing uit GEBEDSHELDIN deur Esperance Kelber geskryf. Die GOLDEN HARP GOSPEL mannekoor het hulle verras met daardie diep Afrika basstemme.

    "COUNSELING" KURSUS: Magrite Tebboth en haar dogter Michelle van Engeland, albei opgeleide beraders, het die week kursusse vir al ons studente aangebied en dit beteken jaarliks geweldig baie!

    DS KOOS KRIEL AFTREDE: Sondag het Ds Koos, wat een van BBM se stigterslede en ook vir baie jare die voorsitter van die Raad van Direkteure was, sy afskeidspreek gelewer by Alkmaar. Tot sy groot verrassing kon al sy kinders dit bywoon."MY GENADE IS VIR JOU GENOEG!" was sy pragtige boodskap.

    VROUE EN OOK MANNE WÊRELDBIDDAG: Wat 'n vreugde om saam met 170 lande se vrouens (en mans!!) rondom die wêreld hande te vat en te bid vir ons kinders, kleinkinders, ons omstandighede en die uitbreiding van die evangelie!

    GEREDDES: Die vrug van ons naweek uitreike by skole, hospitale, tronke, kerke die week was 20 mense wat in geloof ons Meester ontmoet het! Nou moet ons dissipels van hulle maak.

    DANKIE!! Dankie dat jy ons brief lees en dat jy ons lief en leed deel! Ons pleit by ons Vader vir heilige toegewyde lewens hier by BBM en ons weet jy bid saam!!

    Opregte groete!!

    Shai, Elreza en almal by BBM.

    " VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!!" Ps 37:4

    Webwerf: www.bbmission.org


  • Gal 2:20 "EK IS MET CHRISTUS GEKRUISIG EN EK LEEF NIE MEER NIE...CHRISTUS LEEF IN MY." Hierdie kruisiging is dikwels uiters pynlik, maar die uiteinde kan op goddelike oorwinning uitloop!

    Kniel asb saam met ons:

    **NUWELINGE!! Ons dank die Here vir 40 eerstejaars van 21 lande wat by BBM aangekom het en bid vir goddelike eenheid en aanvaarding...wat net God kan gee... tussen al die tale, kulture, gewoontes en persoonlikhede!!! Bid asb saam vir nog omtrent 13 wat worstel om te kom, agv vele redes!

    **BEKERINGS! Ons weet van ten minste twee manne wat die week bely dat die Goeie Herder hulle gevind het: Nkosinati en Blossom! Daar was ook twee manne wat hulle dadelik aangeneem het vir dissipelskap!! Sondag sal hulle Bybels ontvang! Bid saam vir egte geloof en volharding!!

    ** PERSONEEL! Ons 24 vrywilliger personeel werk veeleisende en lang ure. Bid asb vir krag in die Laeveld hitte, moed en deursettingsvermoë en die belangrikste: 'n wandel met God!!

    **DONATEURS: Prys die Here vir enkele nuwe donateurs ná die uitstuur van ons vorige maandelikse fotobrief en ons weeklikse nuusbriewe. BAIE BAIE DANKIE, want nou kan ons 'n week se vleis koop!!!!

    **VAS & GEBED: Dinsdag was ons eerste Vas en Gebedsdag met Nagmaal afsluiting en ons het die lieflikheid vd Here beleef!

    **BASAAR: By Westergloed kon ons heerlike pannekoek en vetkoek koop en toe gee hulle vir ons breekgoed present! Hierdie gemeente loop al jarelank 'n pad saam met BBM. DANKIE!!

    **KERKRAADSVERGADERING! Maksimum Gevangenis se "Amazing Grace" kerkraad het toe 'n lang vergadering saam met Elreza gehou en hulle vreugde en leed bekend gemaak!! Hulle wag met opgewondenheid vir Mariëtte Schlebusch se kursus. Hulle vra asseblief vir die vertoning van die Jesusfilm en nou en dan 'n Saterdag "revival" van sang en prediking! Wonderlik!!

    **VOORBIDDING: Vandag vra ons asseblief jou gebede vir alles wat die Here op jou hart lê. Dankie dat jy ons brief lees! Ons waardeer jou teenwoordigheid oneindig veel in ons sendelinglewe met die op en af vreugde en soms diep teleurstellings! Bid ook saam ASB vir enkele siek studente: Zodwa met haar gebreekte been; twee lede met operasies; enkele griepgevalle. DANKIE!!

    Kom ons bly saam getrou tot die dood aan ons gekruisigde en opgestane Here Jesus Christus!

    Ons waardeer jou!

    Shai en Elreza Mulder en almal by BBM.

    Webtuiste: www.bbmission.org.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" PS 37:4

    Valley of Mercy • Barberton, Mpumalanga 1300 • South Africa •


  • Ps 59:17 "Maar ek sal sing van U sterkte en elke more jubel oor U goedertierenheid, want U was 'n rotsvesting vir my en 'n toevlug in die dag toe ek benoud was!" Ons almal het ons dae van benoudheid...maar wanneer ek 'n kind van God is, kan ek my hart uithuil teen Sy skouer en troos, moed en nuwe krag vind en kan ek liedere in die nag sing, omdat NIKS, NEE NIKS..." by Hom onmoontlik is nie!"

  • KONSERT!! Dit was die heel eerste keer dat ons nuwe eerstejaars met togas en vlae saam met die 2e en 3e jaars as " AFRICA 4 JESUS" massakoor kon saamsing. Hulle het hul allerbeste uitgehaal en dit was 'n pragtige konsert ter ere van die argitek van die Halleluyah Ouditorium en 'n vriend, 'n oud-bibliotekaris, wat dalk weer sal kom kuier! Die argitek was tevrede met die vordering!

    NAWEEK OPTREDE: Dit was 'n voorreg vir Shai om by Wonderboom-Suid NG kerk te preek oor: VAN VREES NA VREDE! Ons is met liefde ontvang en sommige het ons verseker dat hulle kom kuier. Een dame het selfs R400 vir 'n student wat dit nie kan bekostig nie, geskenk!

    SPESIALE ROEPING: Dit was 'n voorreg en inspirasie om Wo more te luister, eers na Tineke van't Slot wat ons hemelse Vader se kinderbediening op ons harte gedruk het. Sy het dat elk van die 12 selgroepe 'n blikkie met GOD CAN daarop geskryf gebruik en elke selgroeplid het 'n kind se naam daarin geplaas. Toe het die SR leier die blikkie omhoog gehou en ons almal het saamgebid vir daardie kindername!!

    Daarna het 'n paar van ons 'n heerlike ontbyt geniet en daarna geluister na Willie Crew, stigter van die World Mission Centre met sy passie vir verlorenes. God werk orals en sprei Sy majesteit dwarsoor die wêreld!!

    GEBEDSVENNOTE: Graag sê ons opreg dankie vir 7 Gebedsvennote wat Vrydagaand kom saambid het daar in Pretoria! Ons weet ons Vader verhoor vandag nog!!

    MAKSIMUM GEVANGENIS: 9 verlore mense het hulle sondes bely en vergifnis en redding van sondes ontvang. Die ouderling ( ook 'n gevangene) is met 'n vaart by die deur uit, en wat was my vreugde groot toe hy met 9 Gideon Bybels daar aankom wat ons kon oorhandig! Hy het ook dadelik aangebied om hulle te dissipel! Daar was vreugde in die hemel én op aarde. "HERE, ASB LAAT HULLE VOLHARD EN GEESTELIK GROEI!"

    VOORSIENING: Ons nuwe Hoof van Voorbereiding en Opleiding is Rev Benson Sachingezhi wat reeds 'n paar jaar ervaring hierin het. Sy knap vroutjie Brigid is behulpsaam vir Elreza in die kantoor.

    OPKNAPPING: Die personeel woonkwartiere se opknap is feitlik klaar gedoen.

    STUDENTE: Terwyl ons nou volstoom met die opleiding begin het en weer in roetine begin kom, kom studente steeds aan en verwelkom ons elkeen in Jesus naam. Een student met n poniestert het verdwyn en ons vermoed die aanpassing wat net te erg. Dankie dat jy saambid vir staf en studente. Mag God elke familielid by BBM seën, versorg en beskerm...ook vir jou, ons dierbare voorbidder!!

    Liefde uit die hart en BAIE DANKIE vir jou praktiese omgee, jou offers en veral vir jou gebede!!

    Shai en Elreza Mulder en almal by Back to the Bible Mission.

    www.bbmission.org.

    0833066323

    Valley of Mercy • Barberton, Mpumalanga 1300 • South Africa

    In Joh 10:10 sê ons geliefde Here Jesus: "EK HET GEKOM DAT JULLE LEWE EN DIT IN OORVLOED MAG HÊ!" Dié week het ons dit weer eens beleef!!

    WEEK VAN GEBED: Bishop Adane en sy span van 6 het ons ingelei in 'n lewe van praktiese gebed en deurbid met volharding! Een taak was om tekste oor gebed in élke Bybelboek te vind!

    STUDENTE VERHALE: Ons is aangegryp deur lewensverhale van briljante studente, wonderbaarlike bekerings, selfs 'n straatkind met sy stralende gesig wat in Vader se arms beland het!! Hulle worstel steeds om te kom agv paspoorte, visums,vervoer, verblyfgelde, ens!!! Ons eerste student uit Brazilië is hier!!

    WEERSIENS VREUGDE: Die vreugde om weer ons "Afrika-mense " te sien na 2 lang maande het trane in ons oë gebring."DIE LIEFDE VAN CHRISTUS DRING ONS!!!"

    HALLELUYAH OUDITORIUM:Dit vorder fluks...die voorportaal met 'n kombuis en badkamers is besig om te verrys. Ook kleiner projekte soos n personeelhuis, septiese tenk, ens vorder goed.

    SKENKINGS: Ons dankbare vreugde is groot vir 'n bietjie bone, bietjie maalvleis, bietjie kruideniersware van vriende. Ook bokse vol Bybels e

    Rinske Reitsma se puik teologiese boeke!! Ook jou ware omgeeliefde en gebede bring groot blydskap in ons harte. Ons grootste geskenk bly verlorenes wat inkom!!

    Geseende lieflike maand!

    Shai, Elreza en almal by BBM.

    "VERLUSTIG JOU IN DIE HERE, EN HY SÁL JOU GEE DIE BEGEERTES VAN JOU HART! " Spr 37:4

    Valley of Mercy • Barberton, Mpumalanga 1300 • South Africa


  • 2 Kor 5:14 "DIE LIEFDE VAN CHRISTUS DRING ONS!"

    GEBEDS- EN BEPLANNINGSDAE: 1& 2 Feb 2019. Assseblief, kniel saam met ons vir hierdie twee dae van afsondering vir ons +- 26 personeellede voor ons lewende Here Jesus. Joh 21 is ons tema. Ons is opgewonde oor ons roeping hier in die groen Vallei van Genade wat uitsprei oor die hele wêreld soos wat ons bid vir studente vanoor Afrika en sendelinge van elke wêreld kontinent en ook vir ons eie behoeftes.

    STUDENTE: Ons eerste (van vier) egpare het reeds aangekom!! Egpare skep altyd 'n huislike atmosfeer! Meer as 100 persone het aansoek gedoen en ons wag met groot verwagting om hulle te verwelkom wat sal opdaag....lief te hê met die liefde van Jesus...en hulle behoorlik voor te berei vir die sendingvelde van die wêreld! Asseblief...bid hulle in, saam met ons. Ons vra ook vir ons Vader dat hulle die drie jaar sal klaarmaak!!

    VERJAARSDAE: Afrika vier nie eintlik verjaarsdae nie...begrafnisse ja! Hulle stroom bymekaar daarvoor. Ons is dankbaar dat Shai sy 77e verjaarsdag in Pretoria kon vier saam met ons geliefde voorbidders... ook met die verjaarsdagkoek en sagopoeding van die Terblanché familie. Ook by BBM het ons saam met ons Laeveldvriende, 'n paar studente en personeel verjaarsdag gevier. Ons leraar en sy vrou ds Pieter en Engela Malherbe het 'n self-gekomponeerde lied met sy kitaar gesing. BAIE BAIE DANKIE VIR VELE BEWYSE VAN LIEFDE...GESKENKE, GEBEDE EN GOEIE WENSE!

    VRIENDE: Opregte vriende is 'n groot gawe uit ons Vader se hart. Ons het so vir oulaas in die doodsnikke van die Des/Jan uitreikvakansie heerlik gekuier en saamgebid met Lydia de Kock (wat bokse vol Bybels gekoop en gegee het!), Prof Danie en Annalet du Plessis en hulle 4 kinders (met 'n verjaarsdagtafel wat gekreun het van die heerlike verversings),die kerk toe gaan saam met Elreza se enigste broer Johannes en Charlotte en hulle oudste seun Johan Kelber wat nou die Musiekdirekteur by Moreletapark gemeente is. Wat 'n wonderlike preek oor DIE LIEFDE WAT DIE KENMERK VAN ONS LEWE MOET WEES het ons beleef!!

    Ons waardeer die middagete saam met Clive Roberts en gesin en aandete saam met Kol Jeff en Johanna van Taiwan. Ons bekers loop oor van dank vir vleis (vir +- 2/3 weke) en wonderlike kruideniersware deur Trevor en Connie Garrard geskenk. Elke stukkie liefde word inniglik by hierdie geloofsending waardeer. Dankie aan almal vir soveel vriendskap en liefde!

    NUWE PERSONEEL: Prof Joan Annandale van Pretoria het die week aangekom...alleen die 400 km gery tot by ons. Ons verwag vir Juanita Dunn wat 9 jaar gelede hier by ons gedien het vandag. Rev James en sy vrou, Naomi Soko kom ook aan as deel van die BBMfamilie. Ons bid steeds vir die regte dame in Christina se plek. Intussen het Anna, 'n rekenaardosent wat as eerstejaar vanuit Zimbabwe kom, solank begin help in die huis. Dankie dat jy saambid en vertrou!

    VOORBIDDING: Ons hemelse Vader weet presies wat en wie ons nodig het...hier aan die begin van die jaar...en ons dank jou, ons Aäron en Hur wat ons arms omhoog hou in die stryd van die lewe! Nederig kniel ons, in totale oorgawe aan die Man van Nasaret, vir Sy leiding, beskerming en voorsiening.

    Mag God jou seën! Mag God jou verhoor! Mag God by jou bly...is ons gebed ongeag wat met ons gebeur...Ons bid vir heiligheid, voorsiening, deurbrake, herlewing!!!

    Met ons opregte liefde!

    Shai en Elreza Mulder

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Webwerf: www.bbmission.org

    Valley of Mercy • Barberton, Mpumalanga 1300 • South Africa


  • Ons bid Gods vrede oor jou vir 2019! 1 Thes 5: 22,23:

    "VERMY DIE SKYN VAN DIE KWAAD EN DIE GOD VAN VREDE SAL JOU VOLKOME EN TOTAAL HEILIG MAAK...HY IS GETROU WAT JOU GEROEP HET! HY SAL DIT OOK DOEN!"

    Dit bly maar moeilik, pynlik en vra soms groot offers om heilig te word...ek moet die vaagste skynsel van twyfel en van sonde vermy en kruisig, want dan sal God se vrede my siel vervul!

    GESONDHEID: Die afgelope week het ons lang ure by 1 Mil Hospitaal deurgebring. Ons het asem opgehou en kan dankbaar met groot blydskap sê dat niks ernstigs verkeerd is wat nie met medikasie in stand gehou kan word nie! Al die eer aan die Here! Ons bid vir vele vriende en familie wat ernstig siek is. Mag ons Barmhartige Samaritaan, Jesus Christus, jou dra en vertroos en genees.

    Ons roeping gaan dus steeds voort!! BID saam met ons vir iemand wat kan saamwerk en uiteindelik in ons plek kan voortgaan.

    DANKIE!!: Die Here verras ons telkens deur Sy kinders!! Ds Dawie en Tannie Magriet Scheepers... 90jariges.. van die Strand, ondersteun BBM steeds vir jare met gebede en finansies. DANKIE!! Dit was heerlik om saam te bid ook vir haar gebreekte enkel.

    Dr Herman en Esté Visagie is ook 'n egpaar wat sorg vir BBM studente.

    En die 83 jarige Ritha Engelbrecht van Theunissen wat die naweek hulle nuwe leraar ontvang, het ons spesiaal Theunissen toe laat ry om vier sakke beskuit op te laai wat sy veral vir besoekende dosente gebak het. Loof die Here!!! Theunissen gemeente ondersteun BBM steeds soos vele ander gemeentes en indiwidue. BAIE DANKIE! Ken en Christa de Kock, albei ook nou 90 jaar op aarde, het die eerste 10 000 stene bygedra vir ons Halleluya Ouditorium. Hulle ondersteun ons steeds met gebede en liefde. Daar is nog vele ander en nederig loof ons die getroue God vir almal wat help! Ons kan net uitroep: PRYS DIE HERE!!!

    VERTROUE: Een van die grootste voorregte in die lewe is wanneer iemand jou vertrou met sy diepste stres en swaarkry. Wat 'n groot verantwoordelikheid om dan namens die Here te antwoord en jou mondstyf toe te hou! Ander se seer is heiligskennis wat 'n mens met groot respek in jou hart moet wegbêre en uitsmeek op jou knieë. Ons bid vir elkeen wat ons vra en, soos my biddende Ouma Mamsie my aan haar knie geleer het, "EK SAL U NIE LAAT GAAN VOORDAT U MY (OF DIE EEN VIR WIE EK BID) SEËN NIE!" Gen 32:26. Bid deur!!

    VERRASSING:Dit was 'n verrassing toe Rev Dennis Henry ons nooi om vir 'n halfuur verlede Sondagmore in sy gemeente in Kimberley te vertel van sovele wonderwerke by BBM. Die grootste wonder is ook by BBM elke maal wanneer verlore siele tot bekering kom! Ons word geroep om hulle dan behoorlik te dissipel! Willem Kelber kom ons weer oplei vanjaar om ons drie Jesusfilm projektors van Campus Crusade for Christ soveel as moontlik te gebruik! ONS EN ONS MANNEKOOR IS TOT DIE HERE SE BESKIKKING VANJAAR, AS JOU FUNKSIE OF GEMEENTE ONS BENODIG!!

    VOORBIDDER: Ons het gesoek totdat ons uiteindelik een van ons getroue voorbidders kon opspoor, Retha Botha, 87, in Somerset-Wes, in 'n piepklein kamertjie. Steeds met daardie kenmerkende stralende gesig is sy tevrede...baie tyd om te bid! Haar boodskap vir die student wat vir haar bid is: "Hand over!! Hands off!!"

    BAIE DANKIE AAN JOU WAT VEG OP JOU KNIEË vir die Koning se werk, ook by BBM.

    ASSEBLIEF BID SAAM:

    *Iemand vir die Gasvryheidsbediening by BBM in Christina Michael se plek. Ons gaan haar baie mis!!

    * Studente en personeel wat begin klaarmaak om terug of vir die eerstemaal na BBM te vertrek. Mag ons versorgende Vader in élke behoefte ...materieel, emosioneel en geestelik voorsien!

    *Ons koelkamers en yskaste...ons bid dat hulle mag vol word met ons daaglikse brood...en asseblief 'n stukkie vleis ook, so nou en dan.

    *Ons pleit vir God se vrede en heiligheid in Suid-Afrika en in elke Afrikaland!

    *Ons bid vir elke voorbidder, elke donateur, elke sendeling, elke dosent, elke verlorene wat oor ons pad kom en spesiaal vir jou wat hier lees.

    Met liefde

    Shai en Elreza Mulder en BBM familie.

    Webwerf: www.bbmission.org

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4

    Valley of Mercy • Barberton, Mpumalanga 1300 • South Africa


  • Ps 50:15 "ROEP MY AAN IN DIE DAG VAN BENOUDHEID! EK SAL JOU UITHELP EN JY SAL MY EER!"

    Dankie ons Almagtige Reddende Here God vir élke maal wat U ons noodroep verhoor het en in genade ons kom uitred het...soos vir Petrus wat weggesink het in die See van Galilea. Help ons Here om weer bo-op die see saam met U te loop hierdie jaar!

    GASVRYHEID: Mag die Here elke huis, elke gesin, elke dierbare persoon seën en beloon wat ons twee en ons BBMfamilie met soveel liefde ontvang, versorg en geseën het gedurende ons Afrika uitreike nou gedurende Des en Jan. "VIR SOVER JY DIT GEDOEN HET AAN EEN VAN DIE GERINGSTES VAN MY BROEDERS, HET JY DIT AAN MÝ GEDOEN, SÊ DIE HERE." Mat 25:40.

    INNAME: Ons prys die Here vir honderde studente, reeds opgelei en uitgestuur as sendelinge na Afrika die afgelope 29 jaar van Back to the Bible Mission se bestaan.

    Ons loof ons Vader dat Hy reeds 32 van die 58 Afrikalande na BBM gestuur het om as gestuurdes voorberei te word. Ons vra die Here om asseblief nog lande aan ons toe te vertrou!!

    Ons is opgewonde oor wie Hy vanjaar gaan bring en bid dat ons 25 personeellede ons allerbeste vir elkeen sal gee!!

    Ons is innig dankbaar vir Rev Bridget Munyasia (Mama Onni!) wat tydens die twee maande uitreikvakansie: Desember '18 en Januarie '19 die aansoeke verder met groot moeite hanteer het!

    Ons bid vir die 25 personeellede van 2018 dat hulle veilig en vernuwe sal terugkeer!

    HALLELUYAH OUDITORIUM KERK: Met groot vreugde kon ons orals getuig hoe wonderbaarlik, soos die woestyn-manna, ons Vader stukkie vir stukkie die finansies en boumateriaal uit omgee-harte voorsien het sodat Desemba en span so kon bou dat die "PASTORAL COMMISSIONING" jaareind uitstuur-funksie binne-in hierdie gebou gehou kon word met +-350 mense wat bygewoon het! Dit bly vir ons 'n groot blydskap dat ons Vader só voorsien en gesorg het. Ons sê graag dankie aan Mica Hardeware Handelaar se vriendelike voorsiening met latere betaling! DANKIE!! Nou word die ingangsportaal met badkamer en kombuisgeriewe gebou! BAIE WELKOM OM TE KOM KUIER EN TE KOM KYK HOE ONS VORDER!

    VERJAARSDAGVIERING: Shai word 77 jaar jonk en graag nooi ons die GEBEDSVENNOTE in en naby Pretoria om dit saam te kom vier op VRYDAGAAND 25 JANUARIE OM 6.30NM te Caritas, Oosterlig, Constantiapark. Dit is ook die saambidaand vir die nuwe jaar! Asb! RSVP!

    GROENTE EN VARKE: Ons opregte dankie gaan aan studente en staflede wat gedurende die vakansie gesorg het. 25 speenvarke is nou vet gevoer deur Takura en ons loof die Here dat almal reeds bestel is!

    REKENMEESTER: Ons dank die Here vir Rev Dietmar Frey wat twee dae per week met gedetaileerde presiesheid die boekhouding doen! Ons prys die Here met groot blydskap vir élke sent wat Sy kinders inbetaal vir hierdie klein plekkie in die Vallei van Genade!

    BETROUBARE VOORBIDDERS: Ons is oneindig dankbaar vir mense wat saam met ons bid en pleit vir ons hartsake, ons kinders, ons nood en behoeftes sodat berge in die see gewerp kan word en God se engelskare ons te hulp kan snel, onring en dra ook deur die stormsee van die lewe wat ons almal tref! Ons bid baie graag ook vir jou versoeke. VRA ASSEBLIEF!!

    VERDERE GEBEDSVERSOEKE:

    * Veilige beskerming vir BBM en al ons terugkerende asook die nuwe familie vanoor Afrika

    *Die registrasie en aankoms van studente met hulle R2000 pp betaling slegs vir LOSIES EN INWONING. Die verdere R2000 moet voor Julie inbetaal word! Studies is gratis. ..betaal deur een van God se kinders!!

    * Mag ons personeel met nuwe moed betyds terugkom! Ons gasvryheidsbestuurder Christina Michaels kom nie terug nie, want haar moeder is ernstig siek!

    * Ons bid vir die regte selgroep-indeling en sendeling-uitdeling vir die eerstejaars. Mag ons getrou vir elke sendeling en sendeling-versorger intree dwarsdeur die jaar!

    * Ons vra gebed vir Shai en Elreza se besoeke aan Dermatologie en Urologie op 24 Jan.

    *Dat vele verlore mense gered en gedissipel sal wees tydens die uitreike!

    *Ons bid vir ons BBM krisis met internet wat voortduur asook vir ons webwerf! Mag die Here ons help!

    *NOU BID ONS VIR JOU, VIR ELKE NOOD EN BEHOEFTE EN VIR GODS ROEPING IN JOU LEWE!

    Met ons opregte liefde en gebede! Shai en Elreza Mulder en ons BBM familie.

    Webwerf: www.bbmission.org

    +27 833 066 323

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART!" Ps 37:4


  • GODS SEËN: 1 Thess 5:23,24 "En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van ons Here Jesus Christus!

    Hy wat julle roep is getrou; Hy sal dit ook doen!"

    Dankie Here Jesus dat U besig is om my heilig te maak deur seëninge, deur hartseer en swaarkry. Dankie dat U betaal het dat ek VREDE mag beleef en dat ek elke dag meer heilig sal word! Amen.

    VAKANSIE: Om wakker te word met die gedruis van die see in jou ore...uit te kyk by die oop deur en 'n blou en wit skuim ewig-rollende oseaan te sien, is regtig Gods seënende hand in ons lewens! Ons rus 'n paar dae by Matthys en Lorraine de Kock by Hermanus. More oppad na Somerset-Wes.

    LESINGS: Dit was 'n groot voorreg om o.a. te kon praat voor 130 jeug by die "BIBLICAL WORLDVIEW SUMMIT," oor " INTEGRITY AND ETHICS FOR THE WORK PLACE" deur Shai en "HOW TO WIN YOUR WORLD FOR JESUS CHRIST" deur Elreza. Ons het beleef dat jy bid en dat God kragtiglik in ons eie en ons hoorders se harte gewerk het. Daar was ook belangstelling om te kom studeer by BBM!! Ons bid steeds vir +-60 nuwe eerstejaars!

    Ons het besondere sendelinge en nuwe vriende ontmoet en is besiel deur kragtige Bybel boodskappe! Ons wens jy was ook saam!!

    UITREIKE: Dwarsoor Afrika is ons BBM familie druk besig om siele vir Gods koninkryk te wen. Mag wedergeboorte en dissipelmaking plaasvind tot eer van ons Here wat hiervoor gesterf het.

    Dit is darem wonderlik dat ek met die druk van een knoppie op my selfoon, 250 mense kan vra om saam te bid oor sake dwarsoor die wêreld!

    GEBREEKTE KAKEBEEN: Elreza se enigste suster Barbara, se enigste seun, Fanus, het 'n ongeluk met sy fiets gehad en sy boonste kakebeen gebreek. Ons kon almal saamstem in gebed en die operasie het suksesvol verloop. Dankie vir gebede! Jou nood versoeke is altyd welkom!

    ONDERHOUDSBESTUURDER: ASB bid en soek saam met ons vir iemand in Johan vd Heever se plek. Bid ook vir hom vir sy diabetes en wonde wat nie genees nie.

    PERSONEELLEDE: Ons het die begeerte om beter geestelike toerusting te verskaf aan ons personeel in die nuwe jaar. Asb bid dat God ons sal lei en bekwaam maak hiervoor. "Wat is U wil Here? Ons wil dit graag uitvoer!"

    JESUSFILM EN ANDER UITREIKE: Terwyl ons besef dat almal deur die kwartaal besig is met weeklikse studies, eksamen skryf en nasien, bid ons dat vanjaar 'n UITREIKJAAR tot eer van ons Verlosser sal wees. Die wêreld word al hoe donkerder en vervolging al erger en die ewigheid kom al nader! Daarom wil ons met ywer en entoesiasme die Here se laaste opdrag uitvoer: "Gaan dan heen en maak dissipels!"

    ALUMNI EN SENDELINGE: Mag die honderde. .dalk duisende ...opgeleide sendelinge die afgelope 29 jaar by BBM getrou wees tot die dood en Gods roeping vervul! Ons hoop om vanjaar van élke sendeling vir wie ons elke more intree te hoor of te sien, is ons hartsbegeerte. Ons reël weer n Alumni Naweek!

    BYDRAERS: Vir jou wat vir ons bid, gee en liefde bewys sê ons graag uit ons harte: DANKIE! DANKIE! Juis vanmore het die man by wie ons bakstene bestel het vir die ingangsportaal van die Halleluya Ouditorium, gesê hy gee nou 5% afslag! Loof die Here!

    Ons bid steeds vir n ou klok om ons wakker te lui smorens!

    Tot siens en baie liefde tot volgende keer!

    Shai en Elreza Mulder namens ons BBM familie vanoor Afrika.

    Webwerf: www.bbmission.org.

    "DELIGHT YOURSELF IN THE LORD AND HE WILL GIVE YOU THE DESIRES OF YOUR HEART!" Ps 37:4

    Valley of Mercy • Barberton, Mpumalanga 1300


  • "...LAAT ONS MET VOLHARDING DIE WEDLOOP LOOP WAT VOOR ONS LÊ, DIE OOG GEVESTIG OP JESUS..." Heb 12:1&2

    Wat 'n aanmoediging hier met die nuwe jaar, die begin van nuwe uitdagings, terwyl ons dink aan Petrus, die enigste mens wat ooit op die see geloop het!

    Hierdie teks is my persoonlike een vir hierdie jaar!

    "Here help my om met my oë, vasgenael op JESUS, steeds vorentoe te stap, oë op JESUS, bo-op die storms en stiltes van my lewe!"

    VAKANSIE KUIERS: Soos ons in vele familie en vriende se huise tuis gegaan het, was dit 'n groot voorreg om in elke huis saam te bid oor die uitdagings. Wat 'n wonder geleentheid om te kon hande vat en ons diepste saam bloot te lê voor die Almag en Koningskap van die Allerhoogste. Dag na dag dra Hy ons! Elke huis het sy kruis en elke hart het sy smart.

    " As twee van julle saamstem op die aarde oor enige saak wat hulle mag vra, dit sál hulle ten deel val van my Vader wat in die hemele is." Mat 18:19

    NATUURSKOON: Die rooi gloed van die sonsondergang, die sagte maanlig oor die see, die gekrys van die seemeeue, die diepblou van die see by Kalkbaai en Shelley Point...al hierdie natuur-vreugdes het ons uit ons SkepperVader se hande met vreugde ontvang!

    BBM: Rodrick en Elijah wat na die tuine en honde kyk, Johan, Blossom en Sihle wat herstelwerk doen en die ander +- 10 persone by BBM, stel ons gerus dat dit goed gaan met alles onder beheer. Ons weet dat God se engele die plek bewaak...daardie klein plekkie tussen die berge by Sheba Siding waar God in genade Sy guns gee! Johan is in beheer en hy ry kos en gas en boumateriaal ens aan. Mamma Honourable Bridget is ons HR en sy hanteer alle studente aansoeke. Asb, bid vir haar!

    HALLELUYAH OUDITORIUM: Ons verneem dat die bouers olv Desemba nou rus en ons sien uit na wanneer hulle weer begin bou. Bid asb saam met ons dat ons volledig klaar kan wees en moontlik die Inwyding kan reël op VRYDAG 5 APRIL 2019.

    PROGRAM: Ons is tans besig om die JAARPROGRAM saam te stel en ons vertrou ons Here dat Hy Sy mense sal stuur om élke Bybelboek aan te bied...ook Karakterbou en Teologiese vakke en Entrepreneurskap wil ons graag op n puik wyse aanbied. Asb bid saam! Ook die wonderlike bydraes van God se mense bring lig en hoop in ons harte. Ons dank die Here vir nog een maand Vakansie Uitreike voor ons weer begin.

    4-9 Jan bied ons by die BIBLICAL WORLDVIEW SUMMIT te Hermanus sekere onderwerpe aan.

    1-3 Feb wil ons graag 'n GEBED & BEPLANNINGSTYD aanbied.

    JOU VERSOEKE?? Wat is JOU versoeke vandag wat ons na Jesus kan neem? Ons wil gráág saam met jou bid én glo!! Laat weet gerus!!

    Met dankbaarheid vir ontelbare seëninge,

    Shai en Elreza Mulder

    Webwerf: www.bbmission.org.

    "VERLUSTIG JOU IN DIE HERE EN HY SAL JOU GEE DIE BEGEERTES VAN JOU HART." Ps 37:4


  • KERSFEES:

    Mat 2:9b: " ..DIE STER WAT HULLE IN DIE OOSTE GESIEN HET, GAAN VOOR HULLE UIT TOTDAT HY KOM EN BLY STAAN BO-OOR DIE PLEK WAAR DIE KINDJIE WAS."

    Wat 'n groot voorreg was dit nie om op 16 Des die Woord van God te kon verkondig te Humansdorp in twee gemeentes. Die "ster"-boodskap was as volg:

    GOD GEBRUIK DIE BETHLEHEM-STER

  • Om die wyse manne te roep
  • Om hulle deur die woestyn te lei tot by die Kindjie
  • Om hulle offers te bring: goud, wierook en mirre.
  • JESUS IS DIE BLINK MÔRESTER!

    OSSEWA: Shai en Elreza kon die awontuur beleef om in 'n ossewa te Bergrivier familieplaas, Loerie, onder die sterre te slaap en na die doodse stilte van die nag te luister.

    FAMILIEFEES: 'n Skare van 23 Williamse + enkele ander familielede kon heerlik saameet op Sat 15 Des op Bergrivier....en Shai en Elreza het met heimwee terug gedink aan verlede jaar toe alvier hul seuns met hulle vier pragtige vrouens én dertien kleinkinders byeen was om hulle 50e troudagviering by te woon!

    BOERE HULP AAN MEKAAR: 'n Mens kon nie help om trane af te vee terwyl ons kyk na 'n video waar boere vragte en vragte hooi aanry om die droogte geteisterde boere te help nie!

    NDEBELE KONINGIN KNIEL: Ook 'n video waar 'n Ndebele koningin vergifnis vra vir wit mense vir Dingaan se verbreekte beloftes en vir rassehaat het ons harte diep geraak.

    God verhoor gebede en Hy kan die hardste hart vermurwe. Laat ons voortdurend bid en glo!

    LAAT SLAAP: Dis 'n gróót voorreg om te kan slaap tot jy wakker word, sonder 'n ting-ting-ting klok wat jou wek. Weet iemand nie waar ons 'n groot ou ysterklok kan kry sodat ons op 'n meer melodieuse manier van ding-dong-ding-dong gewek kan word nie???

    PROGRAMME: Ons is besig met die uitwerk van die vakansie program en 'n innige DANKIE aan elkeen by wie ons mag tuisgaan!!!! Ook die 2019 BBM jaarprogram saamstel is 'n reuse taak! DANKIE vir sovele vrywilliger dosente vanoor die wêreld wat bereid is om te kom klasgee!!

    VERJAARSDAG VIERING: Graag nooi ons jou na Shai se 77e verjaarsdag viering:

  • VRYDAG 25 JAN HALF 7 te OOSTERLIG, CONSTANTIAPARK, PRETORIA.
  • ÓF

  • MAANDAG 28 JAN HALF 6 te BACK TO THE BIBLE MISSION, BARBERTON.
  • "MY GENADE IS VIR JOU GENOEG!" 2 Kor12:9

    Valley of Mercy • Barberton, Mpumalanga 1300 • South Africa •

    RSVP asb!! Hartlik welkom!!

    OUDITORIUM: Ons dank die Here dat Desemba en sy bouspan steeds aanhou afronding en voltooiing doen olv Johan vd Heever.

    Ons is dankbaar vir die groep van +- 10 wat die tuine, honde, opknap van geboue behartig. Daar is 'n klein Kersgeskenkie vir elkeen...wat seker baie huis toe verlang in hierdie Kerstyd!

    VOORBIDDING: Kniel ASB saam met ons in gebed en smeking mét danksegging vir

    **Shai se ondersoek by 1 Mil Urologie Afd op Don 24 Jan

    ** Barbara Schoonees, Elreza se suster wat ligte chemo kry vir n paar weke!!

    ** Hannes Mulder, Shai se jonger broer, wat aan nier versaking ly.

    **Zodwa Motau 'n 2019 derdejaar wat in 'n motorongeluk haar been gebreek het.

    Asb bid saam dat al ons 2e en 3e jaars sal terugkom en vir 60 nuwe 1e jaars...en asb 'n paar nuwe lande. Ons het reeds 32 van die 58 Afrikalande by BBM gehad.

    Dan smeek ons die Here vir vergifnis....en reën oor ons uiters verdroogde land!

    Ook vir jou wat hier lees bid ons nou en vra vir oop deure en heilige lewens vir al ons Vader se kinders!

    Met liefde en gebede en 'n geseënde Kerstyd en 2019!

    Shai, Elreza en elkeen van ons BBM familie.

    Webwerf: www.bbmission.org

  • SKRIFWOORD: SEF 3:17

    "Die Here jou God is by jou, 'n held wat verlossing skenk. Hy verheug hom oor jou met blydskap; Hy swyg in sy liefde; Hy juig oor jou met gejubel (jubelende gesange)."

    O die vreugde om te behoort aan die Koning van alle konings...die wat was en almal wat nog kom... die Allerhoogste, Allergrootste Opperherder van alle skape op hierdie aarde...en te lees dat Hy sing oor en vir my!!!!!Oorweldigende blydskap... te midde van al die dreigemente en hartseer wat ons almal hier op aarde tref.

    NAGMAAL: Dr Henry Krabbendam se kruis-boodskap by die flikkerende kerse het diep getref!

    "PASTORAL COMMISSIONING": Ons geliefde finale jaars in hul togas..binne-in die baksteen-geboude, "God-made" Halleluyah Ouditorium kerk!! waar Shai sy rooi toga uitgetrek en 'n voorskoot voor al +-350 gaste aangetrek het met die woorde:"God called us to be servants ...like Jesus!!" Die bemoedigende, samewerkende Direksievergadering was daarna.

    Oor al hierdie gebeure: Hoofletter Dankies aan ons hemelse, versorgende Vader!!!

    REAP (Revival, Evangelism & Prayer) KONFERENSIE: Hier kon ons net sit en ontvang: heerlike sang...Bybel boodskappe... geselskap....nuwe studente aansoeke! Ons bid steeds vir Rev Bridget wat alle aansoeke hanteer...en vra nederig-asseblief vir nuwe lande.

    VAKANSIE: Om by Elreza se dierbare sussie Barbara en Fanie in Bloemfontein wat steeds ligte chemo kry, tuis te kom, is " home sweet home!"

    STERFTE: Om op ééndag twee vriendinne: Carmen Maartens (Bloemfontein) en Wenna Strydom (Barberton) aan die dood af te staan, rek jou oë oop om die ewigheid in die gesig te staar! Is ek gereed??Is my hande leeg, of vol met siele na Jesus gelei??

    BLINDE EGPAAR: Dit was 'n vreugde om in Dewald en Esmé Hattingh se splinternuut geboude huis na die brand, in te stap...mét 'n orrel waarvoor ons onder andere so ernstig gebid het!

    OUMA VAN 101: En ons 2 sussies kon met dankbaarheid sing vir die bure by die helder-brein ouma.

    JEFFREYSBAAI: Ons is oppad see toe...waar Shai en Elreza Sondag 16e preek by twee Humansdorp gemeentes. Sal jy asseblief saambid vir reis-genade...en God se Gees om in harte oor te neem en te heers?

    VOORBIDDING: Nou kniel ons by die genadetroon vir jou, ons onontbeerlike Voorbidder... ook vir ons vir 'n geseënde reis tot in die Kaap... vir BBM families by hulle huise en op uitreike....vir beskerming vir die paar mense wat BBM oppas...ook vir Desemba, ons meesterbouer, wat steeds voortbou om die ouditorium af te rond en vir Johan wat toesig hou. BAIE DANKIE! Ons glo Ps 91: dat God se engele ons dra...

    NUWE STUDENTE: Ons verwag gróót van ons Skepper God vir wie NIKS ONMOONTLIK is nie!! Ons het plek vir 60-65 nuwe eerstejaars en vertrou kinderlik dat ons Here hulle sal roep en stuur en sal voorsien in die R400 per maand Losies en Inwoning!

    GESEËNDE KERSTYD EN 2019 bid ons vir jou en joune!

    Met liefde en dank vir élke gebed en élke bydrae en élke bemoedigende woord in die afgelope jaar! Mag die lewende God jou gebede verhoor!!

    Shai & Elreza Mulder en die hele BBM familie wat oor Afrika verstrooi is!!

    Webwerf: www.bbmission.org

    "MY GENADE IS VIR JOU GENOEG!" 2 Kor 12:9

    Valley of Mercy • Barberton, Mpumalanga 1300

  • In Openb 2 & 3 lees ons oor en oor: "WIE VOLHARD TOT DIE EINDE TOE, SAL GERED WORD!"

    Ons is aan die einde van BBM se jaar en hierdie vers is nou waar vir elkeen wat volhard het! Mag ons ook geestelik volhard te midde van die aanslae in ons lewens!!

    DERDE-JAARS AFSKEID: Ons harte is diep geraak deur 1 minuut getuienisse: " Ek het geleer om betyds te wees...om 'n leier én 'n dienskneg te wees.. .om te bid vir sendelinge...om die Woord van God..die Bybel, te preek...om Stiltetyd te hou...Alleen met God te wees!!...om ander mense en volke te aanvaar en lief te hê...om siele vir God te wen én te dissipel...Hierdie opregte belydenisse bring VREUGDE! DANKBAARHEID!! en tog bid ons steeds die gebed:

    " Asseblief Here, help ons om dit aanstaande jaar nog beter te doen vir U!!!! Amen."

    OP PAD: Ons is 28 km van die naaste dorp in die Vallei van Genade geleë en God het ons wonderbaarlik bewaar in die baie ritte wat onderneem is. Dié week het Shai weer Carolina toe gery om mieliemeel vir ons en semels vir ons 60 varke te gaan haal. ...'n lang stadige rit met 'n swaar gelaaide vrag. Amper direk by ons motorhuise skiet die bakkie se voorwiel los en rol die veld in!! Wat n wonderwerk ...niemand beseer nie...en by die huis!!!

    Hierdie uitreik vakansie van 2 maande gaan ons BBM familie duisende kilometers ry. Ons bid vir veiligheid! Shai en Elreza ry na Bloemfontein, Jeffreysbaai, George, St Helenabaai, Hermanus...ens. en sien báie daarna uit om te RUS!!!!

    VERLORE SIELE: Ons dank God vir elke verlorene wat vanjaar waarlik gered kon word deur Jesus bloed en dat vele dissipel kon word! Die Jesusfilm het veel daartoe bygedra! Mag die Here ons almal gebruik in hierdie tyd!!

    PERSONEEL: Hoe oneindig goed sorg ons Vader vir betroubare manne en vroue wat álles gegee het ook vanjaar! Ook nuwes: Rev James en Rev Naomi Soko, Rev Ethel Kasansa en Rev Tobias Kilaka het reeds begin dien en begin volstoom in 2019.

    2019 STUDENTE: Ons bid met verwagting dat ons Vader self elkeen sal bring wat Hy hier wil hê. Intussen bid én werk ons hard om mense wat 'n passie vir Jesus Christus en vir die Bybel het te kan akkommodeer!! HELP ONS ASSEBLIEF!!

    'N GESEËNDE RUSTIGE KERSTYD BID ONS ELKEEN TOE EN 'N JAAR VAN LEWENSBEKERS WAT OORLOOP!!

    Vrede vir jou!

    Shai en Elreza Mulder!

    "MY GENADE IS VIR JOU GENOEG!" 2 Kor 12:9.

    Webwerf: www.bbmission.org

    Valley of Mercy • Barberton, Mpumalanga 1300



   
Lees meer...

    DIE EVANGELIE VIR DIE KERSTYD!   DIE LAM is
Lees meer...

WAY BETTER THAN POPCORN. Hendrik Rocher’s testimony: On Mother’s Day 2002 God sav
Lees meer...

DIE KRUISKONING deur Maretha Maartens. Hierdie Evangeliese toneelteks handel oor die aardse bedie
Lees meer...
Winkel
      Tuis | Blaaier | Kontak Ons    |    Vrywaring | Privaatheidsbeleid | IBS | Webmeester
© 2019 Seker.co.za
Chillies